Pixel 9a ची किंमत घसरली! ₹12 हजारांची बचत करून घरी आणा प्रीमियम फोन

जर तुम्ही Google Pixel 9a खरेदी करण्याचा विचार करत असाल, तर सध्या मोठी बचत करण्याची संधी आहे. ई-कॉमर्स साइट फ्लिपकार्टवर Google Pixel 9a मोठ्या डिस्काउंटसह उपलब्ध आहे, कारण या फोनच्या किमतीत कपात करण्यात आली आहे आणि बँक ऑफर्समुळे बचतही मिळत आहे. Pixel 9a मध्ये 48 मेगापिक्सेलचा प्रायमरी कॅमेरा आणि 13 मेगापिक्सेलचा फ्रंट कॅमेरा देण्यात आला आहे. येथे आम्ही तुम्हाला Google Pixel 9a वरील ऑफर्स,  किंमत आणि स्पेसिफिकेशन्सबद्दल सविस्तर माहिती देत आहोत.

Google Pixel 9a किंमत आणि ऑफर

Google Pixel 9a चा 8GB/256GB स्टोरेज व्हेरिएंट फ्लिपकार्टवर 39,999 रुपयांत लिस्ट करण्यात आला आहे. बँक ऑफर्स जसे  फ्लिपकार्ट SBI बँक क्रेडिट कार्ड व्यवहारांवर 2 हजार रुपयांची सूट देत आहे, ज्यामुळे या फोनची किंमत 37,999 रुपये होते. हा स्मार्टफोन मार्च 2025 मध्ये 49,999 रुपयांत लॉन्च करण्यात आला होता. त्या तुलनेत हा फोन 12 हजार रुपयांनी स्वस्त मिळत आहे. याशिवाय एक्सचेंज ऑफरमध्ये 35,600 रुपयांपर्यंत बचत होऊ शकते. मात्र, एक्सचेंज ऑफरचा जास्तीत जास्त लाभ एक्सचेंजसाठी दिलेल्या डिव्हाइसची सध्याची स्थिती आणि मॉडेल यावर अवलंबून असेल.

Google Pixel 9a फीचर स्पेसीफिकेशन

Google Pixel 9a मध्ये 6.3 इंचाची Actua pOLED डिस्प्ले देण्यात आली आहे, ज्याचे रिझोल्यूशन 1080x2424 पिक्सेल, 120Hz रिफ्रेश रेट आणि 2700 निट्स पीक ब्राइटनेस आहे. हा स्मार्टफोन Tensor G4 प्रोसेसरने सुसज्ज आहे. हा स्मार्टफोन Android 16 ऑपरेटिंग सिस्टमवर कार्य करतो. डायमेन्शन्सबद्दल बोलायचे झाल्यास, या फोनची लांबी 154.7 मिमी, रुंदी 73.3 मिमी, जाडी 8.9 मिमी आणि वजन 185.9 ग्रॅम आहे.

Pixel 9a च्या मागील बाजूस f/1.7 अपर्चर आणि OIS सपोर्टसह 48 मेगापिक्सेलचा प्रायमरी कॅमेरा तसेच f/2.2 अपर्चरसह 13 मेगापिक्सेलचा अल्ट्रावाइड कॅमेरा देण्यात आला आहे. तर सेल्फी आणि व्हिडिओ कॉलिंगसाठी f/2.2 अपर्चरसह 13 मेगापिक्सेलचा फ्रंट कॅमेरा उपलब्ध आहे. कनेक्टिव्हिटी पर्यायांमध्ये 5G, 4G LTE, Wi-Fi 6E, Bluetooth 5.3, NFC, GPS, NavIC आणि USB 3.2 Type-C पोर्टचा समावेश आहे.