22 तास बॅटरी, प्रीमियम AMOLED डिस्प्ले; Samsung Galaxy Book6 Edge ची धडाकेबाज एंट्री

Samsung ने आपला नवीन लॅपटॉप Samsung Galaxy Book6 Edge बाजारात लॉन्च केला आहे. Galaxy Book6 Edge मध्ये 2 मेगापिक्सेलचा प्रायमरी कॅमेरा देण्यात आला आहे. यामध्ये 16 इंचाचा डायनॅमिक AMOLED 2X अँटी-रिफ्लेक्टिव्ह टचस्क्रीन डिस्प्ले आहे. या लॅपटॉपमध्ये 61.8Wh ची लिथियम-आयन बॅटरी देण्यात आली असून ती एका चार्जमध्ये 22 तासांपर्यंत चालू शकते.  Samsung Galaxy Book6 Edge चे फीचर्स, स्पेसिफिकेशन्स आणि किंमत याबद्दल सविस्तर माहिती देत आहोत.

Samsung Galaxy Book6 Edgeकिंमत

Samsung Galaxy Book6 Edge ची किंमत USD 2,099.99 (सुमारे ₹1,98,740) आहे. Galaxy Book6 Edge सध्या अमेरिकेत केवळ सॅमसंगच्या अधिकृत वेबसाइटवर उपलब्ध आहे. हा ग्रे ब्लू रंगाच्या पर्यायात आणि 1TB स्टोरेजसह उपलब्ध आहे.

Samsung Galaxy Book6 Edge स्पेसीफिकेशन

Samsung Galaxy Book6 Edge मध्ये 16 इंचाचा डायनॅमिक AMOLED 2X अँटी-रिफ्लेक्टिव्ह टचस्क्रीन डिस्प्ले आहे, ज्याचे रिझोल्यूशन 2880×1800 असून 120Hz रिफ्रेश रेट दिला आहे. यात Qualcomm Snapdragon X2 Elite X2E-88-100 चिपसेट देण्यात आला आहे. तसेच Qualcomm Adreno GPU आणि Qualcomm Hexagon NPU देखील देण्यात आले आहेत. यामध्ये 16GB LPDDR5X रॅम आणि 1TB eUFS इनबिल्ट स्टोरेज आहे. हा लॅपटॉप क्वाड स्पीकर्स, Dolby Atmos आणि Smart Amp सपोर्टसह येतो. यामध्ये ड्युअल अॅरे डिजिटल मायक्रोफोन्स देखील आहेत.

कॅमेरा सेटअपबद्दल बोलायचे झाल्यास, या लॅपटॉपमध्ये 2 मेगापिक्सेलचा कॅमेरा देण्यात आला आहे. या लॅपटॉपमध्ये 61.8Wh ची लिथियम-आयन बॅटरी आहे, जी एका चार्जमध्ये 22 तासांपर्यंत चालू शकते. याला 65W फास्ट चार्जिंगचा सपोर्ट मिळतो. हा लॅपटॉप Windows 11 Home ऑपरेटिंग सिस्टमवर कार्य करतो. डायमेन्शन्सबद्दल बोलायचे झाल्यास, याची लांबी 355.4 मिमी, रुंदी 250.4 मिमी, जाडी 12.3 मिमी असून वजन 1.55 किलो आहे. हा SmartThings सपोर्टसह येतो. कनेक्टिव्हिटी पर्यायांमध्ये Wi-Fi 7, Bluetooth 5.4, 3.5 मिमी हेडफोन जॅक, एक HDMI 2.1 पोर्ट, एक USB 3.2 पोर्ट आणि दोन USB4 पोर्ट्स समाविष्ट आहेत.

हे सुद्धा वाचा : https://marathi.gadgets360.com/mobiles/flipkart-june-epic-sale-samsung-galaxy-s25-edge-discount-rs-50000-price-cut-to-half-mrp-know-offer-details-news-11630756