iPhone युजर्ससाठी आनंदाची बातमी! iOS 27 मध्ये येणार जबरदस्त फीचर; फोन स्वतःच करेल रिकव्हरी, जाणून घ्या कसे?

Apple ने नुकतेच iOS 27 सादर केले आहे. कंपनीचे हे नवीन सॉफ्टवेअर अपडेट अनेक नव्या फीचर्ससह येणार आहे. याचसोबत कंपनी एक फीचर आणत आहे, ज्याच्या मदतीने iPhone रिकव्हरी करणे अगदी सोपे होणार आहे. म्हणजेच, तुमच्या iPhone मध्ये काही समस्या आल्यास नवीन अपडेटअंतर्गत फोन स्वतःच ती समस्या ओळखेल आणि ती दुरुस्तही करेल. चला जाणून घेऊया हे फीचर कसे काम करेल आणि ते कसे वापरता येईल.

Apple iOS 27 सोबत कंपनी एक दमदार फीचर घेऊन येत आहे. iOS 27 च्या पहिल्या डेव्हलपर बीटा व्हर्जनमध्ये हे फीचर उपलब्ध होणार आहे. यामुळे iPhone रिकव्हरीची प्रक्रिया अत्यंत सोपी होणार आहे. टिपस्टर Aaron Perris यांनी X वर एक पोस्ट शेअर केली असून, त्यामध्ये या फीचरचे स्क्रीनशॉट दाखवण्यात आले आहेत.

टिप्स्टरच्या मते, जर फोनमध्ये कोणतीही समस्या उद्भवली तर त्याची रिकव्हरी करणे अगदी सोपे होईल. यासाठी iPhone सुरू करताना पॉवर बटण दाबून धरावे लागेल, त्यानंतर एक नवीन मेनू उघडेल. यात युजर्सना विविध रिकव्हरी पर्याय मिळतील, ज्यामध्ये खालील पर्यायांचा समावेश असेल –

• Recovery Assistant
• Software Update
• Diagnostics Mode
• Erase All Content and Settings
• Recovery Mode via Mac

या पर्यायांच्या मदतीने युजर्स फोनचे त्वरित ट्रबलशूटिंग करू शकतील आणि iPhone रिस्टोर करू शकतील. यासाठी लगेच Mac किंवा PC ची गरज भासणार नाही. iPhone स्वतःच इतका सक्षम असेल की तो स्वतःला दुरुस्त करू शकेल.

Recovery Assistant हे फीचर यातील सर्वात खास मानले जात आहे. हे फीचर आपोआप समस्या ओळखेल आणि सॉफ्टवेअरशी संबंधित अडचणी दूर करेल. Software Update फीचरच्या मदतीने युजर्स थेट फोनवर नवीनतम iOS डाउनलोड करू शकतील. Diagnostics Mode द्वारे Apple Support रन करता येईल, ज्यामुळे समस्या सॉफ्टवेअरमध्ये आहे की हार्डवेअरमध्ये, हे समजू शकेल.

iOS 27 मध्ये Recovery Mode कसा वापरायचा

जर तुमच्या iPhone मध्ये कोणतीही समस्या आली तर तो Turn Off करा. फोन बंद झाल्यानंतर साइड बटण दाबून धरून फोन सुरू करा. आता Apple चा लोगो दिसू लागेल. साइड बटण अजूनही दाबून ठेवा. काही क्षणांनी लोगोखाली प्रोग्रेस बार दिसू लागेल.याच वेळी बटण दाबून ठेवल्यास फोनमध्ये Recovery Mode सुरू होईल.Recovery Mode सुरू होताच वर नमूद केलेले पाच प्रकारचे रिकव्हरी पर्याय दिसतील. त्यापैकी कोणताही पर्याय निवडून तुम्ही सहजपणे फोनची रिकव्हरी करू शकता.

iPhone साठी हे नवीन रिकव्हरी फीचर्स अद्याप अधिकृतपणे लॉन्च करण्यात आलेले नाहीत. असे म्हटले जात आहे की ते iOS 27 Developer Beta सोबत उपलब्ध होतील, ज्याचे टप्प्याटप्प्याने रोलआउट सुरू आहे. बीटा व्हर्जन स्थिर (Stable) व्हर्जनमध्ये आल्यानंतर हे फीचर्स सर्वांसाठी उपलब्ध होतील. त्यामुळे iPhone युजर्सना सॉफ्टवेअरमधील समस्यांपासून मोठा दिलासा मिळण्याची अपेक्षा आहे.