YouTube चा जुना पण भन्नाट फीचर पुन्हा उपलब्ध, जाणून घ्या कसा वापरायचा

सध्या, फक्त 18 वर्षे किंवा त्याहून अधिक वयाचे वापरकर्तेच हे वैशिष्ट्य वापरू शकतील.

Written by Gadgets 360 Staff अद्यतनीत: 12 जून 2026 17:39 IST

YouTube चा जुना पण भन्नाट फीचर पुन्हा उपलब्ध, जाणून घ्या कसा वापरायचा

फीचर को फिलहाल 18 साल या उससे ऊपर के यूजर ही इस्तेमाल कर सकेंगे।

महत्वाचे मुद्दे

वापरकर्ते ॲपमध्ये एकमेकांना संदेश पाठवू शकतात.
काही देशांमध्ये नवीन इन-ॲप मेसेजिंग सिस्टम सुरू होण्यास सुरुवात झाली आहे.
YouTube ने 2019 मध्ये हे वैशिष्ट्य बंद केले.

जाहिरात

YouTube आपल्या जुन्या फीचरसह पुन्हा परतला आहे! होय, कंपनीने 2019 मध्ये बंद केलेले फीचर आता पुन्हा सुरू केले आहे. काही निवडक मार्केट्स मध्ये याचे रोलआउट सुरू झाले आहे. हे नवीन फीचर म्हणजे कंपनीचे DM (Direct Messaging) फीचर असून, याच्या मदतीने युजर्स अॅपच्या आतच एकमेकांना मेसेज करू शकतात. या फीचरद्वारे कंपनीचा उद्देश युजर्समधील संवाद वाढवणे आणि परस्परसंवाद अधिक मजबूत करणे हा आहे. गेल्या वर्षी YouTube ने याची चाचणी सुरू केली होती आणि आता अखेर याचे रोलआउट सुरू झाले आहे. चला, याबद्दल सविस्तर जाणून घेऊया.

YouTube चे DM फीचर पुन्हा परतले आहे. कंपनीने एका ब्लॉग पोस्टद्वारे याची माहिती दिली आहे. नवीन इन-अॅप मेसेजिंग सिस्टमचे रोलआउट काही देशांमध्ये सुरू झाले आहे. 9To5Google च्या अहवालानुसार, या नवीन फीचरच्या मदतीने युजर्स त्यांच्या आवडत्या व्हिडिओंच्या माध्यमातून एकमेकांशी कनेक्ट होऊ शकतात, तेही अॅप न सोडता. म्हणजेच, तुम्हाला एखादा व्हिडिओ मित्र किंवा जवळच्या व्यक्तीला शेअर करायचा असेल किंवा मेसेज पाठवायचा असेल, तर आता दुसऱ्या मेसेजिंग अॅपची गरज भासणार नाही. YouTube वरच ही सुविधा उपलब्ध होणार आहे.

YouTube चे DM फीचर कुठे मिळेल?
YouTube अॅपमध्ये वरच्या उजव्या कोपऱ्यात युजर्सना नवीन मेसेजिंग आयकॉन दिसेल. येथे युजर्स थेट दुसऱ्या युजरला व्हिडिओ शेअर करू शकतील. याशिवाय Shorts आणि Live Stream देखील शेअर करता येतील. इतकेच नाही, तर युजर्स मेसेजही पाठवू शकतील. आता व्हिडिओ शेअर करण्यासाठी किंवा मेसेज पाठवण्यासाठी दुसऱ्या प्लॅटफॉर्मवर जाण्याची गरज राहणार नाही. या फीचरमुळे युजर्स 1:1 संवाद साधू शकतील.

2019 मध्ये YouTube ने हे फीचर बंद केले होते. ते बंद करण्यामागे कंपनीचे म्हणणे होते की, युजर्स व्हिडिओ शेअरिंग आणि मेसेजिंगसाठी आधीच इतर मेसेजिंग प्लॅटफॉर्मचा मोठ्या प्रमाणात वापर करत होते. मात्र आता YouTube या फीचरची अधिक सुधारित आणि नवीन आवृत्ती घेऊन आला आहे. सध्या हे फीचर मर्यादित टप्प्यात रोलआउट केले जात आहे. यामुळे युजर्सना त्यांच्या मित्रांसोबत व्हिडिओंवर चर्चा, सूचना आणि संवाद थेट YouTube अॅपमध्येच करता येणार आहे. 9To5Google च्या अहवालानुसार, हे फीचर सध्या फक्त 18 वर्षे किंवा त्याहून अधिक वयाच्या युजर्ससाठी उपलब्ध असेल.

या फीचरच्या वापरासाठी कम्युनिटी गाइडलाइन्सचे पालन करणे आवश्यक आहे. पाठवलेले मेसेज Unsend करण्याची सुविधाही देण्यात आली आहे. तसेच, युजर्सना इतर युजर्सना Block करण्याचाही पर्याय मिळणार आहे.

कसे वापराल?
नवीन मेसेजिंग फीचर व्हिडिओ पाहताना वापरता येईल. कोणताही व्हिडिओ पाहताना Share पर्यायावर क्लिक केल्यास उपलब्ध कॉन्टॅक्ट्स दिसतील, ज्यांना थेट मेसेज पाठवता येईल. मात्र, त्यासाठी आधी एक Invite Link पाठवावी लागेल, जी समोरील व्यक्तीने स्वीकारणे आवश्यक असेल. त्यानंतर मेसेजिंग सुरू करता येईल. नवीन मेसेज आल्यास युजर्सना नोटिफिकेशनही मिळेल.

कोणत्या देशांमध्ये होत आहे रोलआउट?
कंपनीने नोव्हेंबरमध्ये या फीचरची चाचणी सुरू केली होती. युरोपमध्ये टेस्टिंग केल्यानंतर आता याचे अधिकृत रोलआउट सुरू झाले आहे. YouTube ने सध्या हे फीचर काही निवडक बाजारपेठांमध्ये उपलब्ध केले आहे. यामध्ये अमेरिका, यूके, ब्राझील आणि सिंगापूर यांसारख्या देशांचा समावेश आहे. हळूहळू कंपनी हे फीचर इतर जागतिक बाजारपेठांमध्येही उपलब्ध करून देणार आहे.