प्रवासात किंवा ज्येष्ठांसाठी बेस्ट! Nokia 123 Shield ची दमदार वैशिष्ट्ये जाणून घ्या

HMD Global कडून नवीन Nokia 123 Shield फोन लॉन्च करण्यात आला आहे. हा एक मजबूत फीचर फोन असून रग्ड फीचर फोन म्हणून सादर करण्यात आला आहे. Nokia 123 Shield हे नावच त्याची ओळख करून देते. कंपनीचा दावा आहे की हा फोन मजबूत बिल्ड क्वालिटीसह बाजारात आणण्यात आला आहे. यामध्ये कंपनीने 19 दिवसांपर्यंत बॅटरी लाइफ मिळण्याचा दावा केला आहे. या फोनमध्ये कॅमेरासोबत LED फ्लॅश देखील देण्यात आला आहे. याशिवाय यात अनेक खास फीचर्सही मिळतात. चला जाणून घेऊया याची किंमत आणि फीचर्स सविस्तर.

Nokia 123 Shield किंमत

Nokia 123 Shield हा कंपनीचा सर्वात परवडणारा फीचर फोन असल्याचे सांगितले आहे. हा फोन कंपनीच्या ग्लोबल वेबसाइटवर सूचीबद्ध करण्यात आला आहे. मात्र, कंपनीने अद्याप त्याच्या किंमतीबाबत कोणतीही माहिती दिलेली नाही.

Nokia 123 Shield स्पेसीफिकेशन

Nokia 123 Shield हा स्वस्त आणि मजबूत-टिकाऊ फोन म्हणून सादर करण्यात आला आहे. या फोनमध्ये 2.4 इंचांचा डिस्प्ले देण्यात आला आहे. याचे रिझोल्यूशन 320x240 पिक्सेल आहे. फोनमध्ये Unisoc SC6531E प्रोसेसर देण्यात आला आहे. हा फोन 4MB रॅम आणि 4MB स्टोरेजसह येतो. यामध्ये microSD कार्ड स्लॉट देण्यात आला असून त्याद्वारे स्टोरेज 32GB पर्यंत वाढवता येते.

कंपनीने हा फोन मजबूत वापरासाठी तयार केला असून धूळ, पाणी आणि इतर कठीण परिस्थितीतही तो कार्यक्षम राहील, असा दावा केला आहे. यासाठी या फोनला IP65 रेटिंग देण्यात आली आहे. या फोनचे सर्वात मोठे वैशिष्ट्य म्हणजे त्याची बॅटरी, जी 19 दिवसांपर्यंत स्टँडबाय राहू शकते. यात 1,750mAh क्षमतेची बॅटरी देण्यात आली आहे. कंपनीच्या दाव्यानुसार, ही बॅटरी 19 दिवसांचा स्टँडबाय टाइम आणि 27.9 तासांपर्यंतचा टॉक टाइम देते. चार्जिंगसाठी यात USB Type-C पोर्ट देण्यात आला आहे. फोनमध्ये Bluetooth कनेक्टिव्हिटी देण्यात आली असून 3.5mm हेडफोन जॅकलाही सपोर्ट आहे. या फोनची जाडी 15mm असून त्याचे वजन 108 ग्रॅम आहे.