AI तुमच्या आजारांची आधीच देणार चाहूल? Samsung ची नवीन Galaxy Watch 9 पाहून डॉक्टरही होतील आश्चर्य!

मोठ्या डिव्हाइस उत्पादक कंपन्यांपैकी एक असलेल्या Samsung ने आपल्या वेअरेबल डिव्हाइसेसची नवी सिरीज सादर केली आहे. कंपनीच्या Galaxy Unpacked इव्हेंटमध्ये Samsung Galaxy Watch 9 आणि Samsung Galaxy Watch Ultra 2 लॉन्च करण्यात आले आहेत. या इव्हेंटमध्ये कंपनीने आपले नवीन फोल्डेबल स्मार्टफोन्सही सादर केले आहेत.

Samsung Galaxy Watch 9 ची किंमत

हे स्मार्टवॉच निवडक आंतरराष्ट्रीय बाजारपेठांमध्ये बुधवारपासून प्री-ऑर्डरसाठी उपलब्ध झाले आहे. भारतात Samsung Galaxy Watch 9 च्या 40 mm आकाराच्या केवळ Bluetooth मॉडेलची किंमत 37,999 रुपये, तर Bluetooth + LTE मॉडेलची किंमत 41,999 रुपये आहे. या स्मार्टवॉचच्या 44 mm मॉडेल्सची किंमत अनुक्रमे 40,999 रुपये आणि 44,999 रुपये आहे. सॅमसंगने या स्मार्टवॉचसोबत वॉच बँड्सची नवीन रेंजही सादर केली आहे.

Samsung Galaxy Watch 9 चे स्पेसिफिकेशन्स

या स्मार्टवॉचमध्ये Super AMOLED Always-On Display देण्यात आला आहे. Samsung Galaxy Watch 9 च्या 44 mm मॉडेलमध्ये 1.47 इंचाचा डिस्प्ले (480 x 480 पिक्सेल्स) असून 40 mm व्हेरिएंटमध्ये 1.34 इंचाचा पॅनेल (438 x 438 पिक्सेल्स) देण्यात आला आहे. दोन्ही डिस्प्ले 3,000 निट्स पीक ब्राइटनेस आणि Sapphire Crystal ग्लास प्रोटेक्शनसह येतात. या स्मार्टवॉचमध्ये Qualcomm Snapdragon Wear Elite चिपसेट देण्यात आला आहे. Samsung Galaxy Watch 9 मध्ये 2 GB RAM आणि 32 GB स्टोरेज आहे. हे स्मार्टवॉच Wear OS 7 आधारित One UI 9 वर चालते.

Samsung Galaxy Watch 9 मध्ये अनेक हेल्थ आणि फिटनेस सेन्सर्स देण्यात आले आहेत. यात नवीन BioActive Sensor आहे, जो Optical Heart Rate Sensor, Electrical Heart Rate Signal Sensor आणि Bioelectrical Impedance Analysis Sensor यांचे संयोजन आहे. याशिवाय यात Temperature Sensor, Accelerometer, Barometer, Gyroscope, Geomagnetic Sensor आणि Ambient Light Sensor देण्यात आले आहेत. या स्मार्टवॉचसोबत सॅमसंगने Artificial Intelligence (AI) आधारित काही वेलनेस फीचर्सही दिले आहेत. यामध्ये Heart Health Score, Fitness Index आणि अपडेटेड Sleep Apnea फीचरचा समावेश आहे. Samsung Galaxy Watch 9 च्या 44 mm मॉडेलमध्ये 445 mAh आणि 40 mm व्हेरिएंटमध्ये 390 mAh बॅटरी देण्यात आली आहे. या स्मार्टवॉचची बॅटरी WPC-आधारित फास्ट वायरलेस चार्जिंगला सपोर्ट करते. कनेक्टिव्हिटीसाठी यात LTE, Bluetooth, Wi-Fi, NFC आणि GPS यांचे पर्याय उपलब्ध आहेत.