Honor चा नवीन Honor X7e स्मार्टफोन लॉन्च; 7500mAh बॅटरी, 50MP कॅमेरा, जाणून घ्या किंमत

फोनमध्ये मागील बाजूस ५० मेगापिक्सेलचा मुख्य कॅमेरा असून, त्यासोबत एक सेकेंडरी सेन्सरही आहे.

Written by Gadgets 360 Staff अद्यतनीत: 3 जून 2026 20:52 IST

Honor चा नवीन Honor X7e स्मार्टफोन लॉन्च; 7500mAh बॅटरी, 50MP कॅमेरा, जाणून घ्या किंमत

Photo Credit: Honor

Honor X7e फोन में 6.61 इंच का डिस्प्ले दिया गया है।

महत्वाचे मुद्दे

कंपनीने फोनमध्ये 7,500mAh क्षमतेची मोठी बॅटरी दिली आहे
फोनमध्ये MediaTek Helio G81 Ultra प्रोसेसर आहे.
हा फोन अँड्रॉइड 16 वर आधारित असलेल्या मॅजिकओएस 10.0 वर चालतो.

जाहिरात

Honor ने आपला नवीन स्मार्टफोन Honor X7e सादर केला आहे. कंपनीने कोणताही गाजावाजा न करता हा एंट्री-लेव्हल फोन बाजारात आणला आहे. या फोनमध्ये कंपनीने 7500mAh बॅटरीला विशेष महत्त्व दिले आहे. याशिवाय अनेक दमदार फीचर्सही देण्यात आले आहेत. हा फोन 120Hz रिफ्रेश रेटला सपोर्ट करतो. तसेच यात MediaTek Helio G81 Ultra चिपसेट देण्यात आला आहे. फोनच्या मागील बाजूस 50MP मुख्य कॅमेरा देण्यात आला आहे. त्यासोबत एक सेकंडरी सेन्सरही मिळतो. चला जाणून घेऊया या फोनची किंमत आणि संपूर्ण स्पेसिफिकेशन्स.

Honor X7e किंमत, उपलब्धता

Honor X7e कंपनीने मलेशियामध्ये लॉन्च केला आहे. फोनच्या 6GB रॅम आणि 256GB स्टोरेज व्हेरिएंटची किंमत MYR 899 (सुमारे 21,500 रुपये) ठेवण्यात आली आहे. हा फोन Sunrise Orange आणि Midnight Black या रंगांमध्ये उपलब्ध आहे. ग्राहक हा फोन कंपनीच्या अधिकृत वेबसाइटवरून खरेदी करू शकतात.

Honor X7e स्पेसिफिकेशन्स

Honor X7e मध्ये 6.61 इंचांचा डिस्प्ले देण्यात आला आहे. हा TFT LCD डिस्प्ले असून त्याला HD+ रिझोल्यूशन (1604 x 720 पिक्सेल) सपोर्ट मिळतो. फोनमध्ये 120Hz रिफ्रेश रेट देण्यात आला आहे. तसेच डोळ्यांच्या आरामासाठी Dynamic Dimming फीचरही देण्यात आले आहे. या फोनमध्ये MediaTek Helio G81 Ultra प्रोसेसर असून त्यासोबत 6GB रॅम आणि 256GB स्टोरेज मिळते. यामध्ये व्हर्च्युअल रॅम सपोर्टही उपलब्ध आहे. हा फोन Android 16 आधारित MagicOS 10.0 वर चालतो.

Honor X7e कॅमेरा
Honor X7e च्या मागील बाजूस 50MP मुख्य कॅमेरा देण्यात आला आहे. त्यासोबत एक सेकंडरी सेन्सरही उपलब्ध आहे. सेल्फी आणि व्हिडिओ कॉलिंगसाठी फोनमध्ये 5MP फ्रंट कॅमेरा देण्यात आला आहे. या फोनमध्ये 7,500mAh ची मोठी बॅटरी देण्यात आली असून 45W वायर्ड फास्ट चार्जिंगचा सपोर्ट मिळतो. चार्जिंगसाठी USB Type-C पोर्ट देण्यात आला आहे.

सुरक्षेसाठी फोनमध्ये साइड-माउंटेड फिंगरप्रिंट स्कॅनर देण्यात आला आहे. तसेच फेस अनलॉक फीचरचाही समावेश आहे. हा फोन IP64 रेटिंगसह येतो. कनेक्टिव्हिटीसाठी Bluetooth 5.1, USB Type-C आणि 3.5mm हेडफोन जॅकचा सपोर्ट देण्यात आला आहे.