तयार व्हा! जूनमध्ये रंगणार ग्रहांची परेड; चंद्र झाकणार शुक्राला, पाहायला मिळणार अद्भुत खगोलीय नजारे

अंतराळप्रेमींसाठी जून महिना खूप खास ठरणार आहे. या महिन्यात अनेक खगोलीय घटना घडणार आहेत. यामध्ये चंद्र आणि शुक्र ग्रहाची भेट पाहायला मिळणार आहे. यासोबतच ग्रहांची जुगलबंदीही दिसणार आहे. नासाने या महिन्यात होणाऱ्या अंतराळातील घटनांची माहिती दिली आहे. यापैकी काही घटना अशा असतील ज्या सहजपणे उघड्या डोळ्यांनीही पाहता येतील. चला जाणून घेऊया, जून 2026 मध्ये कोणती खगोलीय दृश्ये पाहायला मिळणार आहेत.

खगोलीय घटनांमध्ये आवड असणाऱ्यांसाठी जून 2026 अत्यंत महत्त्वाचा महिना ठरणार आहे. नासाच्या माहितीनुसार, या महिन्यात अनेक खगोलीय घटना घडणार आहेत.

शुक्र आणि गुरूची जुगलबंदी
जूनमध्ये सर्वात तेजस्वी ग्रह शुक्र आणि ग्रहांचा गुरू मानला जाणारा बृहस्पती हे ग्रह एकमेकांच्या खूप जवळ येणार आहेत. सूर्यास्तानंतर पश्चिमेकडील आकाशात हे दोन्ही ग्रह एकमेकांच्या अगदी जवळ दिसतील. ही घटना 9 जूनच्या आसपास पाहता येईल. सूर्यास्तानंतर हे ग्रह विशेषतः अधिक तेजस्वी दिसतील.

ग्रहांची परेड
या महिन्यात ग्रहांची परेडही पाहायला मिळणार आहे. यात बुध, शुक्र आणि बृहस्पती या ग्रहांचा समावेश असेल. 15 जूनच्या सुमारास ही खगोलीय घटना पाहता येईल, जेव्हा हे तीन महत्त्वाचे ग्रह एकमेकांच्या जवळ दिसतील. सूर्यास्तानंतर पश्चिमेकडील आकाशात हे दृश्य पाहता येईल. यामध्ये शुक्र ग्रह सर्वात तेजस्वी दिसणार आहे.

शुक्र और चंद्र
या महिन्यात आणखी एक अनोखी घटना घडणार आहे, जी शुक्र आणि चंद्र यांच्यामध्ये पाहायला मिळेल. 17 जून रोजी जगातील काही भागांमध्ये एक विशेष घटना दिसणार आहे, ज्यावेळी चंद्र तेजस्वी शुक्र ग्रहासमोरून जाईल. काही काळासाठी शुक्र चंद्रामागे लपलेला दिसेल. ही घटना अमेरिका, कॅनडा, ब्राझील आणि व्हेनेझुएला येथे पाहता येईल. 

नासाने सांगितले की अनेक निरीक्षकांना ही घटना दिवसाच्या उजेडातही पाहता येऊ शकते. मात्र, योग्य सौर संरक्षण साधनांशिवाय दुर्बीण, टेलिस्कोप किंवा कॅमेरा सूर्याजवळ वापरू नये, कारण त्यामुळे डोळ्यांना गंभीर इजा होऊ शकते.जून महिन्यात ग्रीष्म संक्रांतीही होणार आहे, जी उत्तर गोलार्धात खगोलशास्त्रीय उन्हाळ्याची सुरुवात दर्शवते. 21 जून रोजी जून संक्रांती होईल. यावेळी उत्तर गोलार्धात वर्षातील सर्वात मोठा दिवस आणि सर्वात लहान रात्र अनुभवायला मिळते.