38 तासांची बॅटरी, प्रीमियम लुक! Huawei FreeClip 2 S इयरबड्स बाजारात लॉन्च

Huawei ने आपले नवीन FreeClip 2 S इयरबड्स जागतिक बाजारात लॉन्च केले आहेत. कंपनीने हे इयरबड्स Huawei Pura 90s स्मार्टफोन सीरिजसोबत सादर केले आहेत. या इयरबड्समध्ये 10.8mm चे ड्युअल ड्रायव्हर्स देण्यात आले आहेत. डायनॅमिक हेड ट्रॅकिंगसह हे स्पेशियल ऑडिओला सपोर्ट करतात. यामध्ये 38 तासांपर्यंतच्या बॅटरी लाइफचा दावा करण्यात आला आहे. तसेच इयरबड्समध्ये AI ऑडिओ फीचरही उपलब्ध आहे. चला जाणून घेऊया यांची किंमत आणि फीचर्स.

Huawei FreeClip 2 S किंमत

Huawei FreeClip 2 S ची किंमत मलेशियामध्ये MYR 899 ( ₹21,200) आहे. युरोपमध्ये या इयरबड्सची किंमत EUR 229 ( ₹25,200) आहे. तर यूकेमध्ये हे GBP 199 ( ₹25,600) मध्ये खरेदी करता येतात. हे इयरबड्स डीप-सी ब्लू आणि स्पेस सिल्व्हर या रंगांमध्ये उपलब्ध आहेत.

Huawei FreeClip 2 S स्पेसीफिकेशन

Huawei FreeClip 2 S मध्ये 10.8mm चे ड्युअल ड्रायव्हर्स देण्यात आले आहेत. यामध्ये ओपन-इअर C-ब्रिज डिझाइन आहे. कंपनीचा दावा आहे की यात अपडेटेड ड्रायव्हर्सचा वापर करण्यात आला असून त्यामुळे बास परफॉर्मन्स आणि एकूणच साउंड बॅलन्स अधिक चांगला मिळतो. हे इयरबड्स 20Hz ते 20kHz फ्रिक्वेन्सी रेंजला सपोर्ट करतात. ऑडिओ आणि व्हॉइस प्रोसेसिंगसाठी हे AI-सक्षम न्यूरल प्रोसेसिंग युनिटवर कार्य करतात. तसेच हे अ‍ॅडॅप्टिव्ह व्हॉल्यूम अ‍ॅडजस्टमेंट, अ‍ॅडॅप्टिव्ह व्हॉइस एन्हान्समेंट आणि डायनॅमिक हेड ट्रॅकिंगसह स्पेशियल ऑडिओला सपोर्ट करतात.

कंपनीच्या म्हणण्यानुसार, यामध्ये रिव्हर्स साउंड वेव्ह टेक्नॉलॉजीचा वापर करण्यात आला आहे, ज्यामुळे साउंड लीक होणे कमी होते. तसेच AI कॉल नॉईज रिडक्शनसाठी यामध्ये तीन मायक्रोफोन्स देण्यात आले आहेत. कंपनीने यात 10-बँड इक्वलायझर दिला आहे, ज्यामुळे ऑडिओ आपल्या पसंतीनुसार कस्टमाइझ करता येतो. यामध्ये अनेक EQ प्रीसेट्सही उपलब्ध आहेत. हे इयरबड्स Huawei Audio Connect अ‍ॅपच्या मदतीने वापरता येतात.

कनेक्टिव्हिटीसाठी यामध्ये Bluetooth 6.0 चा सपोर्ट देण्यात आला आहे. हे एकाच वेळी दोन डिव्हाइसेसशी पेअर होऊ शकतात. बॅटरीबाबत बोलायचे झाल्यास, हे इयरबड्स एका चार्जवर 9 तासांपर्यंत प्लेबॅक देऊ शकतात. तर चार्जिंग केससह एकूण 38 तासांपर्यंत वापरता येतात. प्रत्येक इयरबडमध्ये 60mAh ची बॅटरी असून चार्जिंग केसमध्ये 537mAh ची बॅटरी दिली आहे. हे USB Type-C चार्जिंगला सपोर्ट करतात. केसमध्ये 3W पर्यंत वायरलेस चार्जिंगची सुविधाही आहे. Huawei च्या म्हणण्यानुसार, 10 मिनिटे चार्ज केल्यास 3 तासांपर्यंत वापरता येतात. इयरबड्स पूर्ण चार्ज होण्यासाठी सुमारे 40 मिनिटे, तर चार्जिंग केसला सुमारे 50 मिनिटे लागतात. दोन्ही डिव्हाइसेस एकत्रितपणे 1 तासात पूर्ण चार्ज होतात.