आजपासून खरेदीची संधी! Infinix Note 60 Pro Pininfarina Edition वर खास ऑफर्स

Infinix ने भारतीय बाजारात गेल्या आठवड्यात Infinix Note 60 Pro Pininfarina Edition लॉन्च केला होता, जो आजपासून विक्रीसाठी उपलब्ध झाला आहे. या फोनमध्ये 50 मेगापिक्सलचा प्रायमरी कॅमेरा आणि 13 मेगापिक्सलचा फ्रंट कॅमेरा देण्यात आला आहे. तसेच यात 6500mAh ची बॅटरी असून ती 90W फास्ट चार्जिंगला सपोर्ट करते. हा फोन क्वालकॉम स्नॅपड्रॅगन 7s Gen 4 प्रोसेसर आहे. Infinix Note 60 Pro Pininfarina Edition ची किंमत आणि स्पेसिफिकेशन्सबद्दल सविस्तर माहिती देत आहोत.

Infinix Note 60 Pro Pininfarina Edition किंमत

Infinix Note 60 Pro Pininfarina Edition च्या 8GB/256GB स्टोरेज व्हेरिएंटची किंमत 37,999 रुपये आहे. या फोनची विक्री आजपासून कंपनीच्या अधिकृत वेबसाइटवर आणि ई-कॉमर्स साइट फ्लिपकार्टवर सुरू झाली आहे. ग्राहकांना बँक ऑफर्सअंतर्गत 2,000 रुपयांची सूट मिळू शकते. तसेच एक्सचेंज ऑफरद्वारे आणखी 2,000 रुपयांची अतिरिक्त सूटही मिळू शकते.

Infinix Note 60 Pro Pininfarina Edition फीचर आणि स्पेसीफिकेशन

Infinix Note 60 Pro Pininfarina Edition मध्ये 6.78 इंचाचा 1.5K AMOLED डिस्प्ले देण्यात आला आहे, ज्याचे रिझोल्यूशन 2644x1208 पिक्सेल, 144Hz रिफ्रेश रेट आणि 4500 निट्स पीक ब्राइटनेस आहे. डिस्प्लेला कॉर्निंग गोरिल्ला ग्लास 7i चे संरक्षण देण्यात आले आहे. या फोनमध्ये क्वालकॉम स्नॅपड्रॅगन 7s Gen 4 प्रोसेसर देण्यात आला आहे. यात 8GB LPDDR5X RAM आणि 256GB UFS 2.2 स्टोरेज उपलब्ध आहे. हा फोन Android 16 आधारित XOS 16 वर कार्य करतो. या फोनमध्ये 6500mAh ची बॅटरी असून ती 90W फास्ट चार्जिंग आणि 30W वायरलेस चार्जिंगला सपोर्ट करते.

Note 60 Pro Pininfarina Edition च्या मागील बाजूस 50 मेगापिक्सलचा प्रायमरी कॅमेरा आणि 8 मेगापिक्सलचा अल्ट्रा-वाइड कॅमेरा देण्यात आला आहे. तर सेल्फी आणि व्हिडिओ कॉलिंगसाठी 13 मेगापिक्सलचा फ्रंट कॅमेरा उपलब्ध आहे. सुरक्षेसाठी या फोनमध्ये इन-डिस्प्ले फिंगरप्रिंट सेन्सर देण्यात आला आहे. तसेच धूळ आणि पाण्यापासून संरक्षणासाठी IP64 रेटिंग मिळते. कनेक्टिव्हिटीसाठी 5G, ड्युअल 4G VoLTE, Wi-Fi, Bluetooth 5.4, NFC, GPS आणि USB Type-C पोर्ट यांचा समावेश आहे.