Instagram वर पोस्ट्स रिऑर्डर एका क्लिकमध्ये; नवे Grid फीचर लॉन्च

Instagram ने नवीन रिऑर्डर युअर ग्रिड फीचर सादर केले आहे. हे फीचर यूजर्सना त्यांच्या प्रोफाइलवरील कंटेंट कसा दिसेल यावर अधिक नियंत्रण करण्यास मदत करते. या अपडेटमुळे यूजर्स त्यांच्या मुख्य प्रोफाइल ग्रिडवरील पोस्ट पुन्हा मांडू शकतात, ज्यामुळे महत्त्वाचा कंटेंट हायलाइट करणे, प्रोफाइल अधिक आकर्षक बनवणे आणि आपली क्रिएटिव्हिटी अधिक चांगल्या प्रकारे दाखवणे सोपे होते. इंस्टाग्राम प्रमुख ॲडम मोसेरी यांनी या अपडेटची पुष्टी करत सांगितले की, यामुळे यूजर्सना त्यांच्या प्रोफाइलवरील कंटेंट अधिक सोप्या पद्धतीने सादर करता येतो. चला, इंस्टाग्रामच्या या नव्या फीचरबद्दल सविस्तर जाणून घेऊया.

रिऑर्डर युअर ग्रिड फीचर केव्हा उपलब्ध होणार:

रिऑर्डर युअर ग्रिड फीचर  जगभरातील यूजर्ससाठी उपलब्ध केले जात आहे. सपोर्ट असलेल्या अकाउंट्समध्ये हे फीचर पोस्ट ऑप्शन मेनूमध्ये पाहता येईल.

Reorder Your Grid फीचर कसे काम करते:

यूजर्स आता एका सोप्या इन-अॅप प्रक्रियेच्या मदतीने त्यांच्या प्रोफाइलवरील पोस्ट पुन्हा रिअरेंज करू शकतात.
सर्वप्रथम आपल्या Instagram प्रोफाइलवर जा.
ग्रिडमधील कोणतीही पोस्ट टॅप करून धरून ठेवा.
पॉप-अप मेनूमधून रिऑर्डर युअर ग्रिड हा पर्याय निवडा.
पोस्ट ड्रॅग करून आपल्या आवडीच्या लोकेशन ठेवा.
बदल त्वरित सेव होतात आणि प्रोफाइलला भेट देणाऱ्या सर्वांना दिसतात.या अपडेटमुळे पोस्टची मूळ तारीख, कॅप्शन किंवा कंटेंटमध्ये कोणताही बदल होत नाही.

रिऑर्डर युअर ग्रिड फीचरचे फायदे:

हे फीचर क्रिएटर्स, व्यवसाय आणि सामान्य यूजर्सना त्यांची प्रोफाइल व्यवस्थापित करण्यासाठी तयार करण्यात आले आहे. यामुळे महत्त्वाच्या पोस्ट हायलाइट करणे सोपे होते. तसेच प्रोफाइलचा लेआउट बदलता येतो आणि रिअरेंज  करता येतो. प्रोफाइलला भेट देणाऱ्या नव्या यूजर्सवर चांगला प्रभाव पडतो. वैयक्तिक किंवा ब्रँड ओळख अधिक प्रभावीपणे सादर करण्यासही मदत होते.