मोठी बॅटरी, दमदार साऊंड! iQOO 16 बद्दल नवी माहिती समोर

चाइनीज स्मार्टफोन मेकर iQOO आपला नवीन स्मार्टफोन लवकरच लॉन्च करू शकते. iQOO 16 च्या स्पेसिफिकेशन्सबाबत काही लीकमधून माहिती समोर आली आहे. या स्मार्टफोनमध्ये 8,500 mAh ची मोठी बॅटरी दिली जाऊ शकते. भारतात गेल्या वर्षी नोव्हेंबरमध्ये लॉन्च झालेल्या iQOO 15 ची जागा हा स्मार्टफोन घेऊ शकतो.

मायक्रोब्लॉगिंग प्लॅटफॉर्म Weibo वरील एका पोस्टमध्ये टिपस्टर Digital Chat Station यांनी सांगितले की, iQOO 16 च्या एका इंजिनिअरिंग प्रोटोटाइपची Qualcomm च्या आगामी Snapdragon 8 Elite Gen 6 Pro चिपसेटसह चाचणी सुरू आहे. या स्मार्टफोनमध्ये ग्राफिक्ससाठी Adreno 850 GPU दिला जाऊ शकतो. iQOO 16 च्या प्रोटोटाइपमध्ये सममितीय ड्युअल स्टीरिओ स्पीकर्स देण्यात आले आहेत. तसेच, अधिक चांगल्या हॅप्टिक फीडबॅकसाठी X-अॅक्सिस लिनिअर मोटर दिली जाऊ शकते.

iQOO 16 मध्ये 8,500 mAh ची बॅटरी दिली जाऊ शकते. या स्मार्टफोनमध्ये सुरक्षेसाठी 3D अल्ट्रासॉनिक फिंगरप्रिंट सेन्सर मिळू शकतो. तसेच, iQOO 16 मध्ये पेरिस्कोप टेलिफोटो कॅमेरा दिला जाऊ शकतो. अलीकडेच हा स्मार्टफोन IMEI डेटाबेसमध्ये I2601 या मॉडेल क्रमांकासह दिसून आला होता. यापूर्वी एका अहवालात मेमरी चिपच्या वाढत्या किमतींमुळे iQOO 16 भारतात लॉन्च होण्याची शक्यता कमी असल्याचे सांगण्यात आले होते. मात्र, कंपनीने याबाबत कोणतीही अधिकृत माहिती दिलेली नाही.

आगामी स्मार्टफोनमध्ये अधिक चांगल्या परफॉर्मन्ससह गेमिंगसाठी खास फीचर्स मिळू शकतात. iQOO 16 मध्ये उष्णता कमी करण्यासाठी नव्या डिझाइनची थर्मल मॅनेजमेंट सिस्टिम वापरली जाऊ शकते. iQOO 15 मध्ये 6.85 इंचांचा Samsung M14 8T LTPO AMOLED डिस्प्ले 2K रिझोल्यूशन, 144 Hz रिफ्रेश रेट आणि 6,000 निट्स पीक ब्राइटनेससह देण्यात आला आहे. हा स्मार्टफोन Android 16 आधारित OriginOS 6 वर चालतो.  रिअर कॅमेरा सेटअपमध्ये ऑप्टिकल इमेज स्टॅबिलायझेशन (OIS) सपोर्टसह 50 मेगापिक्सेलचा प्रायमरी कॅमेरा, 50 मेगापिक्सेलचा पेरिस्कोप टेलिफोटो कॅमेरा आणि 50 मेगापिक्सेलचा अल्ट्रा-वाइड कॅमेरा देण्यात आला आहे. सेल्फी आणि व्हिडिओ कॉलिंगसाठी समोर 32 मेगापिक्सेलचा फ्रंट कॅमेरा उपलब्ध आहे. या स्मार्टफोनमध्ये आर्टिफिशियल इंटेलिजन्स (AI) आधारित काही फीचर्सही देण्यात आले आहेत. यात Snapdragon 8 Elite Gen 5 चिपसेट आणि Adreno GPU देण्यात आला आहे. या स्मार्टफोनची 7,000 mAh बॅटरी 100 W वायर्ड आणि 40 W वायरलेस चार्जिंगला सपोर्ट करते.