HMD Pulse 2 Plus चे स्पेसिफिकेशन्स लीक; 50MP कॅमेरा, Android 15 आणि 5,000mAh बॅटरी

HMD नवीन बजेट स्मार्टफोन HMD Pulse 2 आणि Pulse 2 Plus लवकरच लॉन्च करणार आहे. Pulse 2 यापूर्वी गेल्या वर्षी डिसेंबरमध्ये लीक झालेल्या देटा मध्ये दिसून आला होता. त्यानंतर हा  स्मार्टफोन लॉन्च होईल की नाही याबत अनिश्चितता होती. आता Pulse 2 सोबत Pulse 2 Plus देखील लीकमध्ये माहिती समोर आली आहे. दोन्ही स्मार्टफोनचे प्रमुख स्पेसिफिकेशन्स तसेच डिझाइन लीक झाले आहे. दोन्ही फोनमध्ये मोठा डिस्प्ले, Android 15, 5,000mAh बॅटरी आणि Unisoc प्रोसेसर मिळू शकतो.

लीक X हँडल HMD_MEME'S (@smashx_60) कडून समोर आले आहे. पोस्टमध्ये HMD Pulse 2 आणि Pulse 2 Plus चे प्रमुख स्पेसिफिकेशन्स शेअर करण्यात आले असून, दोन्हींचे डिझाइनही दाखवण्यात आले आहे. यामध्ये फ्लॅट फ्रेम, सेंटर पंच-होल डिस्प्ले आणि ड्युअल रिअर कॅमेरा सेटअप देण्यात आला आहे. मात्र, HMD ने अद्याप या स्पेसिफिकेशन्सची अधिकृत पुष्टी केलेली नाही.

HMD Pulse 2 स्पेसीफिकेशन

लीकनुसार, HMD Pulse 2 मध्ये 6.67-इंच HD+ IPS LCD डिस्प्ले मिळू शकतो, जो 90Hz रिफ्रेश रेटला सपोर्ट करेल. फोनमध्ये Unisoc T615 प्रोसेसर दिला जाऊ शकतो. फोटोग्राफीसाठी यामध्ये 50MP प्रायमरी कॅमेरा आणि 2MP सेकंडरी कॅमेरा मिळू शकतो. तसेच, सेल्फी आणि व्हिडिओ कॉलिंगसाठी 8MP फ्रंट कॅमेरा दिला जाऊ शकतो.

फोनमध्ये 4GB रॅमसह 64GB आणि 128GB UFS 2.1 स्टोरेजचे पर्याय मिळू शकतात. याशिवाय हा Android 15 वर चालेल आणि यात 5,000mAh बॅटरीसह 20W फास्ट चार्जिंग सपोर्ट मिळण्याची अपेक्षा आहे. कलर पर्यायांमध्ये Blue आणि Black यांचा समावेश असू शकतो.

HMD Pulse 2 Plus स्पेसीफिकेशन

लीकनुसार, HMD Pulse 2 Plus मध्येही 6.67-इंच HD+ IPS LCD डिस्प्ले असेल, मात्र यामध्ये 120Hz रिफ्रेश रेट दिला जाऊ शकतो. हा फोनही Unisoc T615 चिपसेटसह येऊ शकतो. कॅमेरा सेटअपमध्ये 50MP प्रायमरी कॅमेरासोबत 2MP सेकंडरी कॅमेरा मिळू शकतो, तर फ्रंटमध्ये 13MP सेल्फी कॅमेरा दिला जाऊ शकतो.

फोनमध्ये 6GB रॅम आणि 128GB UFS 2.1 स्टोरेज मिळण्याची अपेक्षा आहे. याशिवाय यात Android 15, 5,000mAh बॅटरी आणि 20W फास्ट चार्जिंग सपोर्टही दिला जाऊ शकतो. हा Apricot आणि Dark Blue या कलर पर्यायांमध्ये लॉन्च होऊ शकतो.