मोठी बॅटरी, कमी किंमत! Vivo G5i, G5z झाले लॉन्च

चाइनीज हँडसेट मेकर Vivo ने दोन नवीन स्मार्टफोन लॉन्च केले आहेत. Vivo G5i आणि Vivo G5z यांचा डिझाइन आणि हार्डवेअर सारखेच आहेत. या स्मार्टफोनमधील एकमेव फरक म्हणजे ब्रँडिंगचा आहे. Vivo G5i आणि Vivo G5z मध्ये प्रोसेसर म्हणून Snapdragon 4 Gen 2 देण्यात आला आहे. या स्मार्टफोनच्या मागील बाजूस ऑटोफोकससह 50 मेगापिक्सेलचा सिंगल कॅमेरा आहे. तर समोरच्या बाजूस सेल्फी आणि व्हिडिओ कॉलिंगसाठी 8 मेगापिक्सेलचा कॅमेरा देण्यात आला आहे. या स्मार्टफोनचे फ्रंट आणि रिअर कॅमेरे 1,080p पर्यंत व्हिडिओ रेकॉर्ड करू शकतात.

Vivo G5i, Vivo G5z ची किंमत

हे स्मार्टफोन चीनमध्ये लॉन्च करण्यात आले आहेत. Vivo G5i आणि Vivo G5z च्या 6 GB RAM + 128 GB स्टोरेज व्हेरिएंटची किंमत CNY 2,199 (सुमारे 30,900 रुपये) आहे. तर 8 GB RAM + 256 GB स्टोरेज व्हेरिएंटची किंमत CNY 2,899 (सुमारे 40,700 रुपये) आहे. हे स्मार्टफोन Obsidian Black रंगात उपलब्ध आहेत. त्यांची विक्री चीनमध्ये कंपनीच्या ऑनलाइन स्टोअरद्वारे केली जात आहे.

Vivo G5i, Vivo G5z चे स्पेसिफिकेशन्स, फीचर्स

या स्मार्टफोनमध्ये 6.75 इंचांचा LCD डिस्प्ले (1,570 x 720 पिक्सेल) देण्यात आला आहे. यात 120 Hz रिफ्रेश रेट, 240 Hz टच सॅम्पलिंग रेट, 256 ppi पिक्सेल डेन्सिटी आणि 83 टक्के कलर गॅमट आहे. या स्मार्टफोनमध्ये Snapdragon 4 Gen 2 प्रोसेसर आणि Adreno 613 GPU देण्यात आला आहे. हे स्मार्टफोन Android 16 आधारित OriginOS 6 वर चालतात. याच्या मागील बाजूस ऑटोफोकस आणि 10x डिजिटल झूम सपोर्टसह 50 मेगापिक्सेलचा सिंगल कॅमेरा आहे. समोरच्या बाजूस 8 मेगापिक्सेलचा सेल्फी कॅमेरा देण्यात आला आहे. या स्मार्टफोनचे फ्रंट आणि रिअर कॅमेरे 1,080p पर्यंत व्हिडिओ रेकॉर्ड करू शकतात.

या स्मार्टफोनमध्ये कनेक्टिव्हिटीसाठी 5G, Wi-Fi, Bluetooth, GPS, NFC आणि USB Type-C पोर्ट यांचे पर्याय उपलब्ध आहेत. यामध्ये ड्युअल स्टीरिओ स्पीकर्स देण्यात आले आहेत. Vivo G5i आणि Vivo G5z मध्ये 7,200 mAh बॅटरी असून ती 44 W वायर्ड फास्ट चार्जिंग आणि OTG रिव्हर्स चार्जिंगला सपोर्ट करते. सुरक्षेसाठी या स्मार्टफोनमध्ये साइड-माउंटेड फिंगरप्रिंट सेन्सर देण्यात आला आहे. या स्मार्टफोनचा आकार 166.64 x 78.43 x 8.39 mm असून वजन सुमारे 219 ग्रॅम आहे.