7000mAh बॅटरीची ताकद! Moto G77 Power भारतात लॉन्च; 50MP कॅमेऱ्यासह दमदार एंट्री

Motorola ने भारतीय बाजारात आपला नवीन स्मार्टफोन Moto G77 Power लॉन्च केला आहे. G77 Power मध्ये 50 मेगापिक्सेलचा प्रायमरी कॅमेरा आणि समोर 32 मेगापिक्सेलचा सेल्फी कॅमेरा देण्यात आला आहे. या फोनमध्ये 30W फास्ट चार्जिंग सपोर्टसह 7,000mAh ची बॅटरी मिळते. या फोनमध्ये मीडियाटेक डायमेन्सिटी 6400 चिपसेट देण्यात आला आहे. येथे आम्ही तुम्हाला Moto G77 Power चे फीचर्स, स्पेसिफिकेशन्स आणि किंमतीबद्दल सविस्तर माहिती देत आहोत.

Moto G77 Power किंमत

Moto G77 Power च्या 8GB+128GB स्टोरेज व्हेरिएंटची किंमत ₹25,999 आहे. लॉन्च ऑफरसह हा फोन ₹23,999 च्या किमतीत खरेदी करता येईल. या फोनची विक्री 13 जुलै पासून Motorola ची वेबसाइट, ई-कॉमर्स साइट Flipkart आणि देशभरातील अनेक रिटेल स्टोअर्सवर सुरू होईल. हा फोन Pantone Nautical Blue, Pantone Fuchsia Red आणि Pantone Impenetrable अशा रंग पर्यायांमध्ये उपलब्ध आहे.

Moto G77 Power फीचर आणि स्पेसीफिकेशन

Moto G77 Power मध्ये 6.72 इंचाचा Full HD+ डिस्प्ले देण्यात आला आहे, ज्यामध्ये 120Hz रिफ्रेश रेट आणि 1,050 निट्स पीक ब्राइटनेस मिळते. डिस्प्लेला Corning Gorilla Glass 7i चे संरक्षण देण्यात आले आहे. हा डिस्प्ले Color Boost Technology आणि ओल्या हातांनीही चांगला प्रतिसाद मिळावा यासाठी Water Touch सपोर्टसह येतो. ऑडिओसाठी यात Dolby Atmos आणि Hi-Res Audio सपोर्ट असलेले स्टीरिओ स्पीकर्स देण्यात आले आहेत. या फोनमध्ये MediaTek Dimensity 6400 चिपसेट देण्यात आला आहे. यात 8GB LPDDR4X RAM आणि 128GB स्टोरेज मिळते, जे microSD कार्डद्वारे 1TB पर्यंत वाढवता येते. तसेच RAM Boost फीचरच्या मदतीने RAM 24GB पर्यंत वाढवता येते.

कॅमेरा सेटअपबद्दल बोलायचे झाल्यास, Moto G77 Power च्या मागील बाजूस Quad Pixel Technology असलेला 50 मेगापिक्सेल Sony LYTIA 600 प्रायमरी कॅमेरा आणि 8 मेगापिक्सेल अल्ट्रावाइड कॅमेरा देण्यात आला आहे. तर सेल्फी आणि व्हिडिओ कॉलिंगसाठी 32 मेगापिक्सेलचा फ्रंट कॅमेरा देण्यात आला आहे. या फोनमध्ये 7,000mAh ची बॅटरी असून ती 30W TurboPower चार्जिंग आणि 6W वायर्ड रिव्हर्स चार्जिंगला सपोर्ट करते. हा फोन SGS-प्रमाणित MIL-STD-810H आणि धूळ व पाण्यापासून संरक्षणासाठी IP64 रेटिंगसह येतो. हा फोन Android 16 वर आधारित आहे. कंपनीकडून 1 OS अपग्रेड आणि 3 वर्षांपर्यंत सिक्यरिटी अपडेट्स देण्याचे आश्वासन देण्यात आले आहे. यामध्ये Moto Secure आणि ThinkShield सारखी सुरक्षा फीचर्सही उपलब्ध आहेत.