Nothing Phone (4a) च्या किंमतीत 3,000 रुपयांची वाढ; १ ऑगस्टपासून नवे दर

यूके बेस ब्रॅंड Nothing कंपनीचा मिड-रेंज असलेला Nothing Phone (4a) स्मार्टफोन लवकरच भारतात महाग होऊ शकतो. एका टिपस्टरच्या माहितीनुसार, पुढील महिन्यापासून या स्मार्टफोनच्या सर्व रॅम आणि स्टोरेज व्हेरिएंटच्या किमती वाढण्याची शक्यता आहे. हा फोन भारतात मार्चमध्ये Nothing Phone (4a) Pro सोबत लॉन्च करण्यात आला होता. यात Snapdragon 7 सिरीज चिपसेट, नवीन Glyph Bar लाइटिंग सिस्टम आणि 5,400mAh बॅटरी देण्यात आली आहे.

Nothing Phone (4a) किंमत वाढ

X वरील एका पोस्टमध्ये टिपस्टर Yogesh Brar (@heyitsyogesh) यांनी दावा केला आहे की, Nothing Phone (4a) ची किंमत भारतात 1 ऑगस्टपासून वाढू शकते. त्यांच्या माहितीनुसार, 8GB + 128GB व्हेरिएंटची किंमत 42,999 रुपये होईल. 8GB + 256GB व्हेरिएंटची किंमत 46,999 रुपये, तर 12GB + 256GB टॉप व्हेरिएंटची किंमत 49,999 रुपये होण्याची शक्यता आहे.

टिपस्टरचा दावा खरा ठरल्यास, Nothing Phone (4a) च्या तिन्ही व्हेरिएंटच्या किमतीत 3,000 रुपयांची वाढ होऊ शकते. त्यामुळे हा स्मार्टफोन खरेदी करण्याचा विचार करत असाल, तर 1 ऑगस्टपूर्वी खरेदी केल्यास संभाव्य किंमतवाढ टाळता येऊ शकते.

तुलनेसाठी सांगायचे झाल्यास, भारतात लॉन्चवेळी 8GB + 128GB व्हेरिएंटची किंमत 31,999 रुपये, 8GB + 256GB व्हेरिएंटची किंमत 34,999 रुपये, तर 12GB + 256GB व्हेरिएंटची किंमत 37,999 रुपये होती. सध्या या मॉडेल्सच्या किमती अनुक्रमे 39,999 रुपये, 43,999 रुपये आणि 46,999 रुपये आहेत.

हा स्मार्टफोन Black, White, Blue आणि Pink या चार रंगांत उपलब्ध आहे. मात्र, या किंमत वाढीचे कारण अद्याप समोर आलेले नाही. तसेच कंपनीनेही नव्या किमतींबाबत कोणतीही अधिकृत घोषणा केलेली नाही.

Nothing Phone (4a) फीचर्स, स्पेसिफिकेशन्स

Nothing Phone (4a) मध्ये 6.78 इंचाचा LTPS Flexible AMOLED डिस्प्ले देण्यात आला आहे. याचे रिझोल्यूशन 1,224 x 2,720 पिक्सेल, 120Hz रिफ्रेश रेट आणि 4,500 निट्स पीक ब्राइटनेस आहे. गेमिंग मोडमध्ये हा डिस्प्ले 2,500Hz टच सॅम्पलिंग रेट, 2,160Hz PWM डिमिंग आणि Corning Gorilla Glass 7i संरक्षणासह येतो.

या स्मार्टफोनमध्ये Snapdragon 7s Gen 4 चिपसेट देण्यात आला आहे. यासोबत 12GB पर्यंत LPDDR4x रॅम आणि 256GB पर्यंत UFS 3.1 स्टोरेज मिळते. हा फोन Android 16 आधारित Nothing OS 4.1 वर चालतो. कंपनीकडून 3 वर्षांचे Android OS अपडेट्स आणि 6 वर्षांचे सिक्युरिटी अपडेट्स देण्याचे आश्वासन देण्यात आले आहे.

कॅमेऱ्याबाबत बोलायचे झाल्यास, Nothing Phone (4a) मध्ये 50MP Samsung GN9 मुख्य कॅमेरा (OIS), 50MP Samsung JN5 पेरिस्कोप टेलिफोटो कॅमेरा (OIS) आणि 70x Ultra Zoom, तसेच 8MP Sony IMX355 अल्ट्रावाइड कॅमेरा (120-डिग्री फील्ड ऑफ व्ह्यू) देण्यात आला आहे. सेल्फी आणि व्हिडिओ कॉलिंगसाठी 32MP Samsung KD1 फ्रंट कॅमेरा उपलब्ध आहे.