OnePlus N6x वर ₹१,५०० ची तगडी सूट! Amazon वर ७,०००mAh बॅटरीचा दमदार फोन आता आणखी स्वस्त

OnePlus चा नवीन बजेट स्मार्टफोन OnePlus N6x आता भारतात विक्रीसाठी उपलब्ध झाला आहे. विशेष म्हणजे ई-कॉमर्स प्लॅटफॉर्म Amazon वर या स्मार्टफोनवर बँक ऑफरचा लाभ मिळत असून ग्राहकांना मोठी बचत करता येणार आहे. या फोनमध्ये ऑक्टा-कोर MediaTek Dimensity 6360 Apex प्रोसेसर, तब्बल ७,०००mAh क्षमतेची बॅटरी आणि १३MP प्रायमरी कॅमेरा देण्यात आला आहे. चला, जाणून घेऊया OnePlus N6x ची किंमत, ऑफर्स आणि फीचर्सबाबत सविस्तर माहिती.

OnePlus N6x ची किंमत आणि ऑफर्स

OnePlus N6x च्या ४GB RAM + ६४GB स्टोरेज व्हेरिएंटची किंमत ₹१८,९९९ ठेवण्यात आली आहे. हा स्मार्टफोन Amazon वर विक्रीसाठी उपलब्ध झाला असून त्यावर आकर्षक बँक ऑफर दिली जात आहे. HDFC बँकेच्या क्रेडिट कार्डद्वारे पेमेंट केल्यास ₹१,५०० चा इन्स्टंट बँक डिस्काउंट मिळतो. त्यामुळे या फोनची प्रभावी किंमत ₹१७,४९९ इतकी होते.

OnePlus N6x चे फीचर्स आणि स्पेसिफिकेशन्स

OnePlus N6x मध्ये ६.८ इंचांचा HD+ LCD टचस्क्रीन डिस्प्ले देण्यात आला आहे. या डिस्प्लेचे रिझोल्यूशन ७२० × १५७० पिक्सेल असून १२०Hz रिफ्रेश रेट आणि ९०० निट्स पीक ब्राइटनेस मिळतो. हा स्मार्टफोन Android 16 आधारित OxygenOS 16 वर चालतो. यात MediaTek Dimensity 6360 Apex प्रोसेसर देण्यात आला असून ४GB RAM आणि ६४GB किंवा १२८GB इनबिल्ट स्टोरेजचा पर्याय उपलब्ध आहे.

फोनमध्ये वेपर चेंबर कूलिंग सिस्टीम देण्यात आली असून १३,२८० चौरस मिमी हीट डिसिपेशन एरियामुळे थर्मल मॅनेजमेंट अधिक प्रभावी होते. तसेच हा स्मार्टफोन MIL-STD-810H ड्युरेबिलिटी सर्टिफिकेशनसह येतो, त्यामुळे तो अधिक मजबूत आणि टिकाऊ असल्याचा दावा कंपनीने केला आहे. फोटोग्राफीसाठी फोनच्या मागील बाजूस f/2.2 अपर्चरसह १३ मेगापिक्सेलचा प्रायमरी कॅमेरा देण्यात आला आहे. तर सेल्फी आणि व्हिडिओ कॉलिंगसाठी f/2.2 अपर्चरसह ५ मेगापिक्सेलचा फ्रंट कॅमेरा उपलब्ध आहे.

पॉवर बॅकअपसाठी या फोनमध्ये ७,०००mAh क्षमतेची मोठी बॅटरी देण्यात आली आहे. ही बॅटरी १५W वायर्ड फास्ट चार्जिंग आणि ५W वायर्ड रिव्हर्स चार्जिंगला सपोर्ट करते. फोनची लांबी १६६.३८ मिमी, रुंदी ७८.१३ मिमी, जाडी ८.६५ मिमी असून त्याचे वजन सुमारे २१४ ग्रॅम आहे.