25 जूनला येतायत OnePlus Nord Buds 4, बॅटरी लाइफ ऐकून व्हाल थक्क

OnePlus Nord Buds 4 ची लॉन्च तारीख कन्फर्म झाली आहे. कंपनी हे नवीन इयरबड्स 25 जून रोजी लॉन्च करणार आहे. या इयरबड्समध्ये कंपनीने नॉइज कॅन्सलेशनवर विशेष भर दिला आहे. यासोबतच लॉन्चपूर्वी अनेक फीचर्सचीही माहिती समोर आली आहे. यामध्ये टायटॅनियम-प्लेटेड ड्रायव्हर्स मिळणार असल्याचे सांगितले आहे. हे ड्रायव्हर्स दमदार बास आणि स्पष्ट व्होकल्स देऊ शकतात, असा दावा करण्यात आला आहे. चला याबद्दल सविस्तर जाणून घेऊया.

वनप्लस नॉर्ड बड्स ४ लाँच होण्याची तारीख

OnePlus Nord Buds 4 ची लॉन्च तारीख कंपनीने अधिकृतपणे जाहीर केली आहे. हे नवीन इयरबड्स 25 जून रोजी लॉन्च होणार आहेत. या इयरबड्समध्ये 52dB अॅक्टिव्ह नॉइज कॅन्सलेशन (ANC) फीचर देण्यात आले आहे. हेच या नवीन इयरबड्सचे सर्वात मोठे हायलाइट फीचर आहे. याच्या मदतीने वापरकर्त्यांना प्रवासादरम्यान किंवा काम करतानाही स्पष्ट व्हॉईस कॉल्सचा अनुभव मिळू शकतो. यामध्ये 12mm टायटॅनियम-प्लेटेड डायनॅमिक ड्रायव्हर्स मिळणार असल्याचेही सांगितले गेले आहे.

Nord Buds 4 चे डिझाइनही कंपनीने उघड केले आहे. या इयरबड्समध्ये इन-इयर डिझाइन मिळणार आहे. यामध्ये सॉफ्ट सिलिकॉन टिप्स देण्यात आल्या आहेत. कंपनीने त्यांना स्टेम-स्टाइल बॉडीमध्ये डिझाइन केले आहे. चार्जिंग केसला नवीन आयताकृती डिझाइन देण्यात आले आहे. हे इयरबड्स वजनाने हलके असून त्यांचे वजन केवळ 4.3 ग्रॅम आहे. यामध्ये 3D स्पेशियल ऑडिओ आणि गेम स्पेशियल साउंड इफेक्ट्सची सुविधाही मिळणार आहे.

कंपनी Nord Buds 4 दोन रंगांमध्ये लॉन्च करणार आहे. यामध्ये Astral Teal आणि Classic Stellar Black या रंगांचा समावेश असेल. कंपनीने बॅटरी लाइफबाबतही मोठा दावा केला आहे. चार्जिंग केससह हे इयरबड्स 54 तासांपर्यंत बॅटरी बॅकअप देऊ शकतात, असा दावा करण्यात आला आहे. यासोबतच यामध्ये फास्ट चार्जिंग फीचरही मिळणार आहे. कंपनीच्या म्हणण्यानुसार, केवळ 10 मिनिटांच्या चार्जिंगमध्ये हे इयरबड्स 11 तासांचा बॅकअप देऊ शकतात. किंमतीबाबत अद्याप कंपनीने कोणतीही माहिती दिलेली नाही. लॉन्चसाठी अजून सुमारे एक आठवड्याचा कालावधी शिल्लक असून, त्याआधी आणखी काही फीचर्सची माहिती समोर येण्याची शक्यता आहे.

हे सुद्धा वाचा : 
https://marathi.gadgets360.com/mobiles/realme-p4r-5g-vs-oneplus-nord-ce6-lite-vs-poco-m8-5g-know-which-is-best-to-buy-news-11637317