Realme GT 8 Pro भारतात 20 नोव्हेंबरला लॉन्च होणार; जाणून घ्या खास फीचर्स

Realme कडून लेटेस्ट फ्लॅगशीप स्मार्टफोन Realme GT 8 Pro भारतामध्ये लवकरच लॉन्च होणार आहे. कंपनी कडून देण्यात आलेल्या माहितीनुसार, हा फोन नोव्हेंबरमध्ये भारतात दाखल होईल, या महिन्याच्या सुरुवातीला चीनमध्ये लाँच झाल्यानंतर तो येईल. ब्रँडने अधिकृत तारीख जाहीर केलेली नसली तरी, इंडस्ट्री रिपोर्ट्सनुसार हा स्मार्टफोन 20 नोव्हेंबर रोजी देशात लाँच केला जाऊ शकतो. Realme GT 8 Pro फ्लिपकार्ट आणि कंपनीच्या ऑनलाइन स्टोअरद्वारे खरेदीसाठी उपलब्ध असेल, तर स्टॅन्डर्ड Realme GT 8 च्या रिलीजबद्दलची माहिती अद्याप समोर आलेली नाही. Tipster, Yogesh Brar च्या X वर एक पोस्ट शेअर केली आहे ज्यामध्ये दावा केला आहे की Realme GT 8 Pro भारतात 20 नोव्हेंबर रोजी लाँच होऊ शकतो. हे Realme च्या मागील विधानाशी जुळते की त्याचे पुढील फ्लॅगशिप मॉडेल नोव्हेंबरमध्ये लाँच केले जाईल. एकदा लाँच झाल्यानंतर, हा फोन फ्लिपकार्टसह अनेक ऑनलाइन आणि ऑफलाइन रिटेल प्लॅटफॉर्मद्वारे ग्राहकांपर्यंत पोहोचण्याची अपेक्षा आहे.

जरी Realme ने अद्याप भारतातील किंमत आणि संपूर्ण तपशील जाहीर केलेले नाहीत, तरी मॉडेलला खास एका मायक्रोसाईटने त्याच्या काही प्रमुख फीचर्सवर प्रकाश टाकला आहे. Realme GT 8 Pro मध्ये Qualcomm चा Snapdragon 8 Elite Gen 5 चिपसेट आणि HyperVision AI चिप असेल. स्मार्टफोनमध्ये Ricoh GR च्या सहकार्याने विकसित केलेली ट्रिपल रियर कॅमेरा सिस्टम असण्याची पुष्टी झाली आहे, जी चीनमध्ये लाँच केलेल्या आवृत्तीसारखीच आहे.

Realme GT 8 Pro हा चीनमध्ये 21 ऑक्टोबर रोजी स्टॅन्डर्ड Realme GT 8 सोबत पहिल्यांदाच सादर करण्यात आला. ही मालिका तीन रंगांच्या पर्यायांमध्ये उपलब्ध आहे ज्यात निळा, पांढरा आणि हिरवा रंग असेल. Realme GT 8 Pro मध्ये 6.79 इंचाचा QHD+ AMOLED फ्लेक्सिबल डिस्प्ले आहे ज्याचे रिझोल्यूशन 1,440×3,136 पिक्सेल आहे आणि त्याचा रिफ्रेश रेट 144Hzपर्यंत आहे. कंपनीच्या मते, डिस्प्ले 1.07 अब्ज रंग, 3,200Hz टच सॅम्पलिंग रेट आणि 7,000 निट्सचा पीक ब्राइटनेस सपोर्ट करतो. फोटोग्राफीसाठी, Realme GT 8 Pro मध्ये 50 MP प्रायमरी लेन्स, 50 MP अल्ट्रा-वाइड सेन्सर आणि 200 MP टेलिफोटो लेन्ससह ट्रिपल कॅमेरा सिस्टम आहे.
फोनमध्ये 120W वायर्ड फास्ट चार्जिंग सपोर्टसह 7,000mAh बॅटरी आहे.