Redmi Turbo 5 ची भारतात एंट्री; 120Hz डिस्प्ले, Dimensity 8500 Ultra प्रोसेसरची ताकद

Redmi ने भारतीय बाजारात आपल्या नवीन Turbo सीरिजमधील पहिला स्मार्टफोन Redmi Turbo 5 लॉन्च केला आहे. हा स्मार्टफोन यापूर्वी चीनमध्ये सादर करण्यात आला होता आणि आता तो भारतातही उपलब्ध करण्यात आला आहे. Redmi Turbo 5 मध्ये MediaTek Dimensity 8500 Ultra प्रोसेसर, 7540mAh ची मोठी बॅटरी, 100W फास्ट चार्जिंग आणि 120Hz रिफ्रेश रेट असलेला 1.5K डिस्प्ले देण्यात आला आहे. याशिवाय, हा फोन IP66, IP68, IP69 आणि IP69K रेटिंगसह येतो, ज्यामुळे तो धूळ आणि पाण्यापासून अधिक सुरक्षित राहतो.

Redmi Turbo 5 ची किंमत आणि उपलब्धता

Redmi Turbo 5 भारतात Asphalt Black, Nitro Blue आणि Turbo White या रंगांच्या पर्यायांमध्ये लॉन्च करण्यात आला आहे. या स्मार्टफोनची विक्री 19 जूनपासून Amazon, Mi.com तसेच इतर ऑफलाइन आणि ऑनलाइन रिटेल चॅनेल्सद्वारे सुरू होणार आहे.

किंमत, Redmi Turbo 5 च्या 8GB + 256GB व्हेरिएंटची किंमत सुमारे 37,999 रुपये ठेवण्यात आली आहे. तर 12GB + 256GB स्टोरेज व्हेरिएंटची किंमत सुमारे 40,999 रुपये आहे. कंपनीने लॉन्च ऑफर्सची माहितीही दिली आहे. त्यानुसार, निवडक बँक कार्ड्सवर 2,000 रुपयांपर्यंत सवलत मिळणार आहे.

Redmi Turbo 5 चे स्पेसिफिकेशन्स

Redmi Turbo 5 मध्ये 6.59 इंचाचा 1.5K Fluid Display देण्यात आला आहे, ज्याचे रिझोल्यूशन 2712×1220 पिक्सेल आहे. हा डिस्प्ले 120Hz रिफ्रेश रेट, 480Hz टच सॅम्पलिंग रेट, HDR10+, Dolby Vision आणि 3500 निट्सपर्यंत पीक ब्राइटनेसला सपोर्ट करतो. स्क्रीनच्या सुरक्षेसाठी Corning Gorilla Glass 7i प्रोटेक्शन देण्यात आले आहे.

फोनमध्ये 7540mAh ची बॅटरी देण्यात आली आहे, जी 100W फास्ट चार्जिंगला सपोर्ट करते. याशिवाय, यात 27W रिव्हर्स वायर्ड चार्जिंग सपोर्टही उपलब्ध आहे. परफॉर्मन्ससाठी ऑक्टा-कोर MediaTek Dimensity 8500 Ultra प्रोसेसर देण्यात आला आहे. यासोबत 12GB पर्यंत LPDDR5X Ultra RAM आणि 256GB UFS 4.1 स्टोरेज मिळते. फोनमध्ये व्हर्च्युअल RAM एक्सपान्शनचा सपोर्टही आहे, ज्यामुळे RAM आणखी 12GB पर्यंत वाढवता येते. थर्मल मॅनेजमेंटसाठी यात 3D Ice-Loop Cooling System देण्यात आले आहे.

फोटोग्राफीसाठी Redmi Turbo 5 च्या मागील बाजूस ड्युअल कॅमेरा सेटअप देण्यात आला आहे. यात OIS आणि EIS सपोर्टसह 50 मेगापिक्सेलचा प्रायमरी कॅमेरा आणि 8 मेगापिक्सेलचा अल्ट्रा-वाइड कॅमेरा समाविष्ट आहे. तर सेल्फी आणि व्हिडिओ कॉलिंगसाठी 20 मेगापिक्सेलचा फ्रंट कॅमेरा देण्यात आला आहे.

कनेक्टिव्हिटी फीचर्समध्ये 5G, Wi-Fi, Bluetooth, USB Type-C आणि इतर स्टँडर्ड पर्यायांचा समावेश आहे. हे डिव्हाइस Android 16 आधारित HyperOS 3 वर कार्य करते आणि प्रीमियम बिल्डसाठी यात एअरोस्पेस-ग्रेड मेटल फ्रेम देण्यात आली आहे. फोनची जाडी 8.18mm आहे. तसेच यात IR ब्लास्टरची सुविधाही उपलब्ध आहे.