MacBook घ्यायचंय? मग आधी Apple ची ही खास Student Sale पाहाच!

Apple ने भारतातील आपल्या Back to School सेलची घोषणा केली आहे. या सेलअंतर्गत कंपनी अनेक प्रॉडक्ट्स कमी किमतीत खरेदी करण्याची संधी देत आहे. नावाप्रमाणेच ही सेल खास विद्यार्थी आणि शिक्षकांसाठी सुरू करण्यात आली आहे. या सेलचा लाभ कंपनीच्या अधिकृत वेबसाइटवरून घेता येईल. या सेलमध्ये विद्यार्थी आणि शिक्षकांच्या अभ्यासासाठी उपयुक्त iPad, MacBook यांसारख्या डिव्हाइसेसवर मोठी सूट देण्यात आली आहे. चला, या सेलमध्ये मिळणाऱ्या ऑफर्सची सविस्तर माहिती जाणून घेऊया.

Apple Back to School सेल आज कंपनीकडून सुरू करण्यात आली आहे. ही सेल 16 जुलैपासून 27 ऑगस्टपर्यंत सुरू राहणार आहे. या काळात iPad, MacBook यांसारख्या Apple डिव्हाइसेसवर आकर्षक सवलती मिळणार आहेत. याशिवाय कॅशबॅक ऑफर्सचाही लाभ घेता येणार आहे. त्यामुळे विद्यार्थी, शिक्षक तसेच पालकही आपल्या मुलांसाठी या सेलचा फायदा घेऊ शकतात. या सेलमध्ये मिळणाऱ्या प्रमुख ऑफर्सची माहिती खाली दिली आहे.

iPad

या सेलमध्ये iPad Air ची सुरुवातीची किंमत ₹83,900 आहे. यासोबतच बँक ऑफर्सचाही लाभ घेता येईल. iPad Pro 2025 हा ₹1,27,900 मध्ये खरेदी करता येणार आहे. या दोन्ही मॉडेल्ससोबत कंपनीकडून मोफत Apple Pencil दिले जात आहे. तसेच AirTags आणि AirPods 4 वरही सवलतीचा लाभ मिळणार आहे.

MacBook Air

M5 चिप असलेला MacBook Air या सेलमध्ये कमी किमतीत खरेदी करण्याची संधी आहे. कंपनीकडून यासोबत मोफत AirPods 4 देण्यात येत आहेत. तसेच चार AirTags मोफत मिळवण्याचाही पर्याय आहे. ग्राहक या दोन्हीपैकी कोणतीही ऑफर निवडू शकतात. या सेलमध्ये AirPods 4 केवळ ₹5,000 मध्ये, तर AirPods Pro 3 ₹13,000 मध्ये खरेदी करता येणार आहेत.

MacBook Pro

M5 चिप असलेला MacBook Pro या सेलमध्ये ₹2,27,900 मध्ये उपलब्ध आहे. तर M5 Pro Max मॉडेल ₹4,62,900 मध्ये खरेदी करता येईल. या खरेदीसोबत ग्राहकांना मोफत AirPods 4 किंवा चार AirTags मिळण्याची ऑफर आहे. तसेच MacBook Neo हा ₹69,900 च्या सुरुवातीच्या किमतीत उपलब्ध आहे.

Apple Back to School सेलसाठी पात्रता

Back to School 2026 ऑफर सध्या महाविद्यालयात शिक्षण घेणारे तसेच नुकतेच प्रवेश मिळालेल्या विद्यार्थ्यांसाठी उपलब्ध आहे. याशिवाय महाविद्यालयीन विद्यार्थ्यांच्या वतीने खरेदी करणारे पालक, तसेच सर्व स्तरांवरील शिक्षक आणि शैक्षणिक संस्थांतील कर्मचारीही या ऑफरचा लाभ घेऊ शकतात. पात्रतेची पडताळणी UNiDAYS किंवा Apple च्या ऑनलाइन व्हेरिफिकेशन सिस्टमद्वारे करता येईल. Apple Store मध्ये प्रत्यक्ष खरेदी करताना वैध विद्यार्थी ओळखपत्र (Student ID), प्रवेशपत्र (Acceptance Letter) किंवा पात्रतेचा अन्य पुरावा दाखवावा लागेल.