iPhone 17 घ्यायचा विचार आहे? Flipkart GOAT Sale मध्ये मिळतेय ₹22,000 पर्यंत सूट

Flipkart चे दमदार Flipkart GOAT Sale 4 जुलैपासून सुरू होत आहे. ई-कॉमर्स प्लॅटफॉर्मने या सेलअंतर्गत आकर्षक ऑफर्सची घोषणा केली आहे. या सेलमध्ये स्मार्टफोन, होम अप्लायन्सेस, स्मार्ट वेअरेबल्ससह अनेक घरगुती उत्पादनांवर मोठ्या सवलती दिल्या जाणार आहेत. विशेषतः स्मार्टफोन्सवर मोठा डिस्काउंट मिळण्याची अपेक्षा आहे. iPhone डील्सही या सेलमधील सर्वात चर्चेचा विषय ठरत आहेत. Flipkart ने GOAT Sale मध्ये iPhone 17 सीरिजमधील मॉडेल्सवर मोठ्या सवलती जाहीर केल्या असून, त्यातील अनेक ऑफर्सचा खुलासाही केला आहे. चला, जाणून घेऊया या सेलमधील जबरदस्त डील्सबद्दल सविस्तर.

Flipkart GOAT Sale भारतात 4 जुलैपासून सुरू होणार आहे. या सेलमध्ये कंपनी अनेक स्मार्टफोन्सवर मोठ्या सवलती देणार आहे. थेट डिस्काउंटसोबतच ग्राहकांना बँक ऑफर्स आणि एक्सचेंज ऑफर्सचाही लाभ मिळणार आहे, ज्यामुळे स्मार्टफोन आणि स्मार्ट वेअरेबल्स आणखी स्वस्तात खरेदी करता येतील. कंपनीने iPhone साठीही जबरदस्त ऑफर्स जाहीर केल्या आहेत. या सेलमध्ये iPhone 17 सीरिज, iPhone 16, iPhone Air यांसह अनेक मॉडेल्सवर मोठी सूट दिली जाणार आहे. ICICI Bank, Bank of Baroda आणि HSBC च्या क्रेडिट कार्डद्वारे खरेदी केल्यास 10 टक्क्यांपर्यंत सवलत मिळेल. जर तुम्ही iPhone 17 सीरिजमधील एखादे मॉडेल खरेदी करण्याचा विचार करत असाल, तर Flipkart सेलमधील या सर्वात दमदार ऑफर्स जाणून घ्या.

iPhone 17 सेल 

Flipkart सेलमध्ये iPhone 17 ची किंमत ₹82,900 ऐवजी ₹70,990 इतकी ठेवण्यात आली आहे. या किमतीमध्ये बँक ऑफर्सचाही समावेश आहे. iPhone 17 मध्ये कंपनीने 120Hz ProMotion डिस्प्ले दिला आहे. यात Apple चा A19 चिपसेट मिळतो. फोनमध्ये 48MP मुख्य कॅमेरा आणि 48MP अल्ट्रावाइड कॅमेरा दिला आहे. सेल्फी आणि व्हिडिओ कॉलिंगसाठी 18MP फ्रंट कॅमेरा मिळतो. कंपनीच्या दाव्यानुसार, या फोनची बॅटरी एका चार्जवर पूर्ण दिवस टिकते.

iPhone 17 Pro सेल

Flipkart सेलमध्ये iPhone 17 Pro फक्त ₹1,12,000 मध्ये खरेदी करता येणार आहे, तर त्याची नियमित किंमत ₹1,34,000 आहे. iPhone 17 Pro मध्ये 6.3 इंचांचा OLED डिस्प्ले देण्यात आला आहे. हा सिनेमॅटिक डिस्प्ले असून त्यात अधिक स्पष्ट आणि आकर्षक रंग दिसतात. फोनमध्ये कंपनीचा नवीन A19 प्रोसेसर मिळतो. हा Hexa-Core प्रोसेसर आहे. यात 48MP + 48MP + 48MP असा ट्रिपल कॅमेरा सेटअप दिला असून DSLR दर्जाचे फोटो आणि व्हिडिओ शूट करता येतात, असा दावा कंपनीने केला आहे. सेल्फीसाठी 18MP फ्रंट कॅमेरा देण्यात आला आहे.

iPhone 17 Pro Max सेल

Flipkart सेलमध्ये iPhone 17 Pro Max ची किंमत ₹1,49,900 ऐवजी ₹1,27,900 इतकी असेल. या फोनमध्ये 6.9 इंचांचा Super Retina XDR डिस्प्ले, 120Hz रिफ्रेश रेट आणि 2,000 निट्सपर्यंत पीक ब्राइटनेस मिळतो. याच्या मागील बाजूस ƒ/1.78 अपर्चरसह 48MP प्रायमरी फ्यूजन कॅमेरा, ƒ/2.2 अपर्चरसह 48MP फ्यूजन अल्ट्रावाइड कॅमेरा आणि ƒ/2.8 अपर्चरसह 48MP फ्यूजन टेलिफोटो कॅमेरा देण्यात आला आहे. सेल्फी आणि व्हिडिओ कॉलिंगसाठी 18MP फ्रंट कॅमेरा मिळतो.

iPhone 17e सेल

Flipkart सेलमध्ये iPhone 17e ची किंमत ₹64,900 ऐवजी ₹60,900 इतकी असेल. या स्मार्टफोनमध्ये 6.1 इंच (1,170 × 2,532 पिक्सेल) Super Retina XDR (OLED) डिस्प्ले, 60Hz रिफ्रेश रेट आणि 800 निट्स पीक ब्राइटनेस मिळतो. डिस्प्लेसाठी Ceramic Shield संरक्षण देण्यात आले आहे. हा स्मार्टफोन iOS 26 वर चालतो. iPhone 17e मध्ये कंपनीचा नवीन A19 चिप दिला आहे. यात ƒ/1.6 अपर्चरसह 48MP रिअर कॅमेरा आहे. सेल्फी आणि व्हिडिओ कॉलिंगसाठी 12MP TrueDepth फ्रंट कॅमेरा मिळतो.

iPhone Air सेल 

Flipkart सेलमध्ये iPhone Air ची किंमत 95,900 इतकी असेल, तर त्याची नियमित किंमत 1,19,900 आहे. iPhone Air मध्ये 6.5 इंचांचा Super Retina XDR OLED डिस्प्ले, 2736x1260 पिक्सेल रिझोल्यूशन, 120Hz रिफ्रेश रेट आणि 3,000 निट्सपर्यंत पीक ब्राइटनेस मिळतो. या iPhone मध्ये Apple चा A19 Pro प्रोसेसर देण्यात आला आहे. iPhone Air च्या मागील बाजूस ƒ/1.6 अपर्चरसह 48MP प्रायमरी कॅमेरा देण्यात आला आहे. तर सेल्फी आणि व्हिडिओ कॉलिंगसाठी ƒ/1.9 अपर्चरसह 18MP फ्रंट कॅमेरा उपलब्ध आहे.