खरेदीपूर्वी हे नक्की वाचा! Flipkart GOAT vs Amazon Prime Day, कोणता सेल फायदेशीर?

भारतातील दोन सर्वात मोठे ई-कॉमर्स प्लॅटफॉर्म Amazon आणि Flipkart पुन्हा एकदा आमनेसामने आले आहेत. 4 जुलैपासून  Amazon Prime Day Sale 2026 सुरू होत आहे, तर दुसऱ्या बाजूला Flipkart GOAT Sale 2026 देखील ग्राहकांसाठी लाइव्ह होणार आहे. दोन्ही कंपन्या यावेळी स्मार्टफोन्स, लॅपटॉप्स, टीव्ही आणि इतर इलेक्ट्रॉनिक्स उत्पादनांवर मोठ्या ऑफर्स देण्याच्या तयारीत आहेत. मात्र, दोन्ही सेलचा फोकस वेगवेगळ्या ग्राहकांवर आहे. जर तुम्हीही शॉपिंग करण्याचा विचार करत असाल, तर आधी जाणून घ्या या दोन्ही सेलमधील फरक आणि कोणत्या सेलमधून कोणता फायदा मिळू शकतो.

Amazon Prime Day Sale vs Flipkart GOAT Sale 2026: दिनांक

Amazon ची Prime Day Sale फक्त Prime Members साठी उपलब्ध असेल. हा सेल 4 जुलै ते 6 जुलैदरम्यान चालणार आहे. म्हणजेच, तुमच्याकडे Prime Membership नसेल तर या सेलमधील ऑफर्सचा लाभ घेता येणार नाही. मात्र, सेल सुरू होण्यापूर्वी तुम्ही Prime Membership खरेदी करू शकता. जर तुम्हाला जास्त पैसे खर्च करायचे नसतील, तर Amazon कडून Shopping-Only Prime Membership देखील उपलब्ध आहे, ज्याची वार्षिक किंमत 399 रुपये आहे. दुसरीकडे, Flipkart GOAT Sale सर्व ग्राहकांसाठी उपलब्ध असेल. मात्र, Flipkart Plus Members ना 24 तास आधी Early Access मिळणार आहे.

Amazon Prime Day Sale vs Flipkart GOAT Sale 2026: पेमेंट ऑफर्स

दोन्ही प्लॅटफॉर्मकडून बँक डिस्काउंट आणि No Cost EMI सारख्या सुविधा पेमेंट ऑफर्सवर दिल्या जाणार आहेत. Amazon ने Prime Day साठी SBI आणि Axis Bank सोबत भागीदारी केली असून, या बँकांच्या क्रेडिट कार्डवर Full Payment किंवा EMI Transaction केल्यास ग्राहकांना 10% (कॅप लिमिटसह) सवलत मिळेल. तसेच, Amazon Pay ICICI Bank Credit Card वापरणाऱ्या ग्राहकांना Full Payment वर 5% अमर्यादित कॅशबॅक मिळू शकतो.

तर Flipkart GOAT Sale 2026 मध्ये ICICI Bank, Bank of Baroda आणि HSBC Bank च्या क्रेडिट कार्डद्वारे पेमेंट केल्यास 10% (कॅप लिमिटसह) डिस्काउंट मिळेल. तसेच, Flipkart Axis Bank किंवा Flipkart SBI Bank Credit Card वापरून पेमेंट केल्यास अतिरिक्त कॅशबॅकचाही लाभ मिळू शकतो.

Amazon Prime Members ना फास्ट डिलिव्हरीसोबत Prime Video, Prime Music आणि इतर Prime सेवांचा लाभ डिलिव्हरी आणि एक्सक्लुझिव्ह फायद्यांसोबत मिळणार आहे. तर Flipkart Plus Members ना Early Access आणि SuperCoins सारखे अतिरिक्त फायदे मिळतील.

Amazon Prime Day Sale vs Flipkart GOAT Sale 2026: विशेष ऑफर्स

दोन्ही कंपन्यांचा फोकसही यावेळी वेगळा दिसत आहे. Amazon आपल्या Prime Day Sale दरम्यान 500 हून अधिक नवीन प्रॉडक्ट्स लॉन्च आणि 15,000 हून अधिक डील्स उपलब्ध करून देण्याचा दावा करत आहे. तर Flipkart GOAT Sale चा भर मोठ्या ब्रँड्सचे स्मार्टफोन्स, विशेषतः iPhone सिरीज आणि प्रीमियम इलेक्ट्रॉनिक्स उत्पादनांवर असल्याचे दिसत आहे.

Amazon ने आधीच अनेक स्मार्टफोन ऑफर्स जाहीर केल्या आहेत. यामध्ये Samsung Galaxy S25 Ultra ची प्रभावी किंमत 84,999 रुपये, OnePlus 13 ची 49,999 रुपये, OnePlus 15R ची 48,999 रुपये आणि OnePlus N6 ची 19,999 रुपये इतकी ठेवण्यात आली आहे.

Flipkart GOAT Sale मध्ये iPhone 17 हा 70,990 रुपयांच्या आणि iPhone 17 Pro हा 1,12,900 रुपयांच्या किमतीत उपलब्ध करून दिला जाणार असल्याची घोषणा करण्यात आली आहे. याशिवाय iPhone 16, iPhone 15 सिरीज आणि इतर प्रीमियम स्मार्टफोन्सवरही मोठ्या ऑफर्स मिळण्याची अपेक्षा आहे.