EPF खात्याचा UAN नंबर विसरलात? UMANG App वरून असा शोधा

UAN नंबर विसरलात? UMANG App वरून असा शोधा

जर तुम्ही नोकरी करत असाल आणि तुमचा PF कापला जात असेल, तर UAN (Universal Account Number) तुमच्यासाठी खूप महत्त्वाचा असतो. PF बॅलन्स तपासणे, पासबुक पाहणे, क्लेम दाखल करणे आणि इतर EPFO सेवांचा वापर करण्यासाठी UAN आवश्यक असतो. अनेकदा लोक आपला UAN नंबर विसरतात आणि तो शोधण्यासाठी EPFO ऑफिस किंवा HR कडे फेऱ्या मारतात. चांगली गोष्ट म्हणजे UMANG App च्या मदतीने तुम्ही घरबसल्या तुमचा UAN शोधू शकता.

UAN म्हणजे काय?

UAN हा 12 अंकी युनिक नंबर असतो, जो EPFO कर्मचाऱ्यांना जारी करते. नोकरी बदलल्यानंतरही हा नंबर तोच राहतो आणि तुमची वेगवेगळी PF खाती एकमेकांशी जोडतो.

UAN शोधण्यासाठी काय आवश्यक आहे?

UAN शोधण्यापूर्वी तुमच्याकडे खालील माहिती असणे आवश्यक आहे:

• आधार क्रमांक, PAN किंवा Member ID यापैकी कोणतीही एक माहिती
• EPFO मध्ये नोंदणीकृत मोबाईल नंबर

UMANG App वरून UAN कसा शोधाल?

स्टेप 1: तुमच्या फोनमध्ये UMANG App उघडा आणि लॉगिन करा. अकाउंट नसेल तर आधी नोंदणी करा.
स्टेप 2:  सर्च बॉक्समध्ये EPFO टाइप करा आणि EPFO Services मध्ये जा.
स्टेप 3:  EPFO विभागात Know Your UAN हा पर्याय निवडा.​​​​​​​
स्टेप 4: तुमचा नोंदणीकृत मोबाईल नंबर टाका आणि OTP द्वारे पडताळणी करा.​​​​​​​
स्टेप 5: तुमचा नोंदणीकृत मोबाईल नंबर टाका आणि OTP द्वारे पडताळणी करा.​​​​​​​
स्टेप 6: माहितीची पडताळणी पूर्ण झाल्यानंतर स्क्रीनवर तुमचा UAN नंबर दिसेल.

UAN मिळाल्यानंतर काय करू शकता?

UAN मिळाल्यानंतर तुम्ही:

• PF बॅलन्स तपासू शकता
• EPF पासबुक डाउनलोड करू शकता
• PF क्लेम स्टेटस पाहू शकता
• ऑनलाइन PF क्लेम करू शकता
• KYC अपडेट करू शकता
• UAN अॅक्टिव्हेट करू शकता

लक्षात ठेवा: जर तुमचा मोबाईल नंबर EPFO च्या रेकॉर्डमध्ये अपडेट नसेल, तर UAN शोधताना अडचण येऊ शकते. अशा वेळी HR विभागाशी किंवा EPFO हेल्पलाइन 14470 वर संपर्क साधू शकता.