एकदाच रिचार्ज, वर्षभर मजा! Jio च्या प्लॅनमध्ये 2.5GB डेटा, फ्री 5G आणि Gemini AI

भारतीय टेलिकॉम कंपन्यांनी गेल्या काही महिन्यांत आपल्या प्रीपेड आणि पोस्टपेड प्लॅन्सच्या किंमतींमध्ये मोठी वाढ केली आहे आणि हे सत्र अजूनही सुरूच आहे. अशा परिस्थितीत 365 दिवसांच्या वैधतेचे प्लॅन्स वापरकर्त्यांसाठी अनेकदा फायदेशीर ठरतात. या प्लॅन्समध्ये दररोज पुरेसा डेटा मिळतो, त्यासोबत अनलिमिटेड कॉलिंग आणि फ्री OTT किंवा मनोरंजनाचा लाभही मिळतो. आज आम्ही तुम्हाला रिलायन्स जिओच्या 1 वर्ष वैधता असलेल्या प्लॅन्सची माहिती देणार आहोत.

Reliance Jio आपल्या प्रीपेड पोर्टफोलिओमध्ये दीर्घ वैधतेचे दोन खास प्लॅन्स ऑफर करते. हे प्रीपेड प्लॅन्स वापरकर्त्यांना भरपूर फायदे देतात. कंपनीचे हे प्लॅन्स असे रिचार्ज पॅक आहेत की, एकदा रिचार्ज केल्यानंतर तुम्हाला संपूर्ण वर्षभर वैधता, डेटा आणि मनोरंजनाची चिंता करण्याची गरज भासणार नाही. 365 दिवसांच्या वैधतेसोबत या प्लॅन्समध्ये अनलिमिटेड 5G सुपरफास्ट इंटरनेटचाही लाभ मिळतो. तसेच फ्री बेनिफिट्सचीही रेलचेल आहे. चला तर मग जिओच्या 365 दिवसांच्या वैधतेच्या प्लॅन्सबद्दल सविस्तर जाणून घेऊया.

Jio Rs 3599 प्लॅन
Jio 365 दिवसांच्या वैधतेमध्ये 3599 रुपयांचा सुरुवातीचा प्लॅन ऑफर करते. या प्लॅनमध्ये दररोज 2.5GB डेटा मिळतो. प्लॅनसोबत कंपनी एकूण 912.5GB डेटा देते. याशिवाय अनलिमिटेड व्हॉइस कॉलिंग आणि SMS बेनिफिट्सही मिळतात. हाय-स्पीड डेटा लिमिट संपल्यानंतरही इंटरनेट सुरू राहते, मात्र स्पीड 64 Kbps पर्यंत मर्यादित होते. या प्लॅनमध्ये वापरकर्त्यांना दररोज 100 SMS मोफत मिळतात.

या प्लॅनमध्ये JioHotstar चे 3 महिन्यांचे मोबाइल/TV सब्सक्रिप्शनही मिळते. तसेच Free Google Gemini AI Pro सब्सक्रिप्शनही दिले जाते. या प्लॅनमध्ये ग्राहकांना JioTV आणि JioCloud सारख्या अॅप्सचे सब्सक्रिप्शनही मिळते. JioTV च्या माध्यमातून तुम्ही 365 दिवस विविध टीव्ही शोचा आनंद घेऊ शकता. जिओ प्लॅनसोबत मिळणारे JioCloud तुम्हाला स्टोरेजचा पर्याय उपलब्ध करून देते.

Jio Rs 3999 प्लॅन
कंपनी 3999 रुपयांचा दुसरा वार्षिक प्लॅन ऑफर करते. हा प्लॅन 365 दिवसांसाठी दररोज 2.5GB डेटा देतो. दररोज अनलिमिटेड लोकल/STD कॉलिंगची सुविधाही मिळते. प्लॅनमध्ये दररोज 100 SMS मोफत मिळतात. यासोबत JioHotstar चे 3 महिन्यांचे मोबाइल/TV सब्सक्रिप्शनही दिले जाते. Google Gemini AI Pro चा मोफत अॅक्सेसही प्लॅनसोबत मिळतो. कंपनीने यासोबत JioTV आणि JioCloud सारख्या अॅप्सचा मोफत अॅक्सेस दिला आहे.

कंपनी या प्लॅनसोबत FanCode चे सब्सक्रिप्शनही देते, ज्याद्वारे वापरकर्त्यांना FanCode OTT अॅपचा अॅक्सेस मिळतो. येथे Formula 1 Racing सारख्या लाइव्ह स्पोर्ट्सचा आनंद घेता येतो. कंपनीचे हे दोन्ही प्लॅन्स जवळपास समान फायद्यांसह येतात. फरक फक्त OTT अॅप्सच्या अॅक्सेसमध्ये आहे. अधिक माहितीसाठी तुम्ही कंपनीच्या अधिकृत वेबसाइटला भेट देऊ शकता.