स्मार्टफोन-इंटरनेटशिवायही UPI पेमेंट! जाणून घ्या ही सोपी ट्रिक

आजच्या काळात डिजिटल पेमेंटचा वापर मोठ्या प्रमाणावर वाढला आहे. शहर असो किंवा गाव, सर्वत्र डिजिटल व्यवहार सहजपणे करता येतात. सामान्यतः यासाठी इंटरनेट आणि स्मार्टफोन आवश्यक मानले जातात, मात्र त्यांच्याशिवायही UPI द्वारे व्यवहार करणे शक्य आहे.होय, इंटरनेट किंवा स्मार्टफोन नसतानाही UPI च्या मदतीने पैसे पाठवता आणि स्वीकारता येतात. डायल कोड (*USSD) आणि व्हॉइस कॉलसारख्या सुविधांच्या माध्यमातून तुम्ही थेट तुमच्या बँक खात्याशी जोडले जाऊन आर्थिक व्यवहार करू शकता. या पद्धतींमध्ये मोबाईल डेटा वापरण्याची गरज नसते, त्यामुळे इंटरनेटशिवायही पैसे पाठवणे आणि प्राप्त करणे सहज शक्य होते. येथे आम्ही तुम्हाला इंटरनेट किंवा स्मार्टफोनशिवाय UPI पेमेंट करण्याच्या विविध पद्धतींबद्दल माहिती देत आहोत.

इंटरॅक्टिव्ह व्हॉइस रिस्पॉन्स (IVR) वापर करून:

सर्वप्रथम आपल्या फोनमध्ये जाऊन आपल्या नोंदणीकृत मोबाईल क्रमांकाचा वापर करून बँकेच्या IVR क्रमांकावर कॉल करावा.
आपल्या सोयीप्रमाणे भाषा निवडावी.
मेनू उघडल्यानंतर मनी ट्रान्सफर पर्यायावर क्लिक करावे.
ज्यांना पैसे पाठवायचे आहेत त्यांचा मोबाईल क्रमांक किंवा UPI आयडी प्रविष्ट करा.
रक्कम प्रविष्ट करावी. तुम्ही ती टाइप करू शकता किंवा बोलूनही सांगू शकता.पेमेंटची पुष्टी करण्यासाठी आपला 4 किंवा 6 अंकी UPI पिन प्रविष्ट करावा.

फीचर फोनवर ॲपद्वारे:

आजकाल येणाऱ्या अनेक फीचर फोनमध्ये आधीपासूनच एक हलके UPI ॲप इन्स्टॉल केलेले असते, जे डेटा कनेक्शनशिवायही कार्य करते.
आपल्या फीचर फोनवरील UPI Lite ॲप उघडावे.
Send Money किंवा Pay पर्याय शोधून त्याची निवड करावी.
पैसे प्राप्त करणाऱ्याचा फोन क्रमांक किंवा UPI आयडी प्रविष्ट करावा.
आता तुम्हाला पाठवायची असलेली रक्कम प्रविष्ट करावी.
त्यानंतर आपला UPI पिन प्रविष्ट करावा.पेमेंट पूर्ण झाल्यानंतर आपल्या स्क्रीनवर पुष्टीकरणाचा संदेश दिसेल.