स्पॉटिफायने Apple Fitness+ आणि Fitbit ला टक्कर देण्यासाठी गाइडेड वर्कआउट फीचर लॉन्च

प्लॅटफॉर्मनुसार, या कंटेंटसाठी विशेष उपकरणांची आवश्यकता नाही आणि तो ऑफलाइन वापरासाठी डाउनलोडही करता येतो. याशिवाय, कंपनीचे उद्दिष्ट विविध डिव्हाइसेसवर अखंड अनुभव देण्याचे आहे. म्हणजेच, वापरकर्ते टीव्हीवर वर्कआउट व्हिडिओ सुरू करू शकतात, धावताना फोनवर ऑडिओवर स्विच करू शकतात आणि अॅप न सोडता स्मार्ट स्पीकरवर रिकव्हरी सेशन्स पुढे सुरू ठेवू शकतात.

Spotify ने सांगितले की, त्यांचा हा नवीन विस्तार वापरकर्त्यांच्या विद्यमान सवयींवर आधारित आहे. सध्या जगभरात 150 दशलक्षांहून अधिक फिटनेस प्लेलिस्ट सक्रिय आहेत. तसेच, कंपनीचा दावा आहे की त्यांच्या जवळपास 70 टक्के प्रीमियम वापरकर्ते दर महिन्याला प्लॅटफॉर्मवर वर्कआउटशी संबंधित अ‍ॅक्टिव्हिटीमध्ये सहभागी होतात.
Spotify अॅपमध्ये “fitness” शोधून किंवा Browse विभागातून नेव्हिगेट करून Fitness hub वापरता येऊ शकतो. सध्या बहुतेक वर्कआउट्स इंग्रजीमध्ये उपलब्ध आहेत, तर काही निवडक सत्रे स्पॅनिश आणि जर्मन भाषांमध्येही दिली जातात.

Spotify आता Apple च्या Apple Fitness+ आणि Fitbit सोबत स्पर्धेत उतरू शकते. मात्र, Spotify चा दृष्टिकोन थोडासा वेगळा आहे. विशेष म्हणजे, Apple Fitness+ हे Apple च्या इकोसिस्टममधील डिव्हाइसेसशी जवळून जोडलेले आहे. दुसरीकडे, Fitbit हे वेअरेबल-आधारित हेल्थ ट्रॅकिंगवर अवलंबून आहे. म्हणजेच, या दोन्ही सेवांसाठी काही प्रमाणात स्वतंत्र हार्डवेअरची गरज भासते. दरम्यान, Spotify कोणत्याही विशेष हार्डवेअरची आवश्यकता न ठेवता आपल्या कंटेंट इकोसिस्टम आणि क्रॉस-प्लॅटफॉर्म अ‍ॅक्सेसिबिलिटीचा वापर करून फिटनेस अनुभव देत आहे.