लक्ष द्या! Huawei चे नवे फ्लॅगशिप फोन लॉन्च! 50MP कॅमेरा आणि 6000mAh बॅटरीसह Pura 90s सीरिज

Huawei ने जागतिक स्तरावर Huawei Pura 90s Pro आणि Pura 90s Pro Max हे स्मार्टफोन लॉन्च केले आहेत. या नवीन स्मार्टफोन्समध्ये Kirin 9030S चिपसेट देण्यात आला आहे. दोन्ही फोनमध्ये 6,000mAh क्षमतेची बॅटरी देण्यात आली असून, धूळ आणि पाण्यापासून संरक्षणासाठी IP68 आणि IP69 रेटिंग मिळते. येथे आम्ही तुम्हाला Huawei Pura 90s Pro आणि Pura 90s Pro Max चे फीचर्स, स्पेसिफिकेशन्स तसेच किंमत याबाबत सविस्तर माहिती देत आहोत.

Huawei Pura 90s Pro, Pura 90s Pro Max किंमत

Huawei Pura 90s Pro च्या 12GB+256GB स्टोरेज व्हेरिएंटची किंमत MYR 3,699 ( ₹87,200) आहे. तर 12GB+512GB स्टोरेज व्हेरिएंटची किंमत MYR 3,999 ( ₹94,200) आहे. दुसरीकडे, Pura 90s Pro Max च्या 12GB+512GB स्टोरेज व्हेरिएंटची किंमत MYR 4,899 ( ₹1,15,400) आहे.

Pura 90s Pro हा फोन Guava Soda, Orange Soda, Coconut White आणि Mulberry Black या रंगांमध्ये उपलब्ध आहे. तर Pura 90s Pro Max हा Blush Gold, Orange Ocean, Blaze Purple आणि Graphite Black या रंग पर्यायांमध्ये खरेदी करता येईल.

हे दोन्ही स्मार्टफोन सध्या मलेशियामध्ये प्री-ऑर्डरसाठी उपलब्ध असून, येत्या काही महिन्यांत इतर जागतिक बाजारपेठांमध्येही विक्रीसाठी उपलब्ध होणार आहेत.

Huawei Pura 90s Pro, Pura 90s Pro Max स्पेसिफिकेशन्स

Huawei Pura 90s Pro मध्ये 6.6 इंचाचा LTPO OLED डिस्प्ले देण्यात आला आहे. याचे रिझोल्यूशन 2760x1256 पिक्सेल, 1Hz ते 120Hz अॅडॅप्टिव्ह रिफ्रेश रेट, 300Hz टच सॅम्पलिंग रेट आणि 460ppi पिक्सेल डेन्सिटी आहे.

तर Pura 90s Pro Max मध्ये 6.9 इंचाचा मोठा LTPO OLED डिस्प्ले देण्यात आला असून, याचे रिझोल्यूशन 2880x1308 पिक्सेल, 1Hz ते 120Hz अॅडॅप्टिव्ह रिफ्रेश रेट, 300Hz टच सॅम्पलिंग रेट आणि 460ppi पिक्सेल डेन्सिटी आहे.

हे दोन्ही स्मार्टफोन Huawei Kirin 9030S ऑक्टा-कोर प्रोसेसरने सुसज्ज असून EMUI 16 वर कार्य करतात. Pura 90s Pro मध्ये 12GB RAM सोबत 256GB किंवा 512GB स्टोरेज मिळते, तर Pura 90s Pro Max मध्ये 12GB RAM आणि 512GB स्टोरेज उपलब्ध आहे.

Huawei ने EMUI 16 मध्ये स्वतःचा Celia AI Assistant समाविष्ट केला आहे. हा AI असिस्टंट रूट प्लॅनिंग, पर्यटनस्थळांच्या शिफारसी, राइड बुकिंग, शेड्यूल मॅनेजमेंट, रिमाइंडर्स, व्हॉईस कॉल्स तसेच अनेक सिस्टिम फंक्शन्सना सपोर्ट करतो.

कॅमेरा सेटअपबद्दल बोलायचे झाल्यास, Pura 90s Pro च्या मागील बाजूस 50 मेगापिक्सेलचा प्रायमरी कॅमेरा, 12.5 मेगापिक्सेलचा अल्ट्रा-वाइड कॅमेरा आणि 50 मेगापिक्सेलचा मॅक्रो टेलिफोटो कॅमेरा देण्यात आला आहे.

तर Pura 90s Pro Max मध्ये 50 मेगापिक्सेलचा प्रायमरी कॅमेरा, 40 मेगापिक्सेलचा अल्ट्रा-वाइड कॅमेरा आणि 200 मेगापिक्सेलचा टेलिफोटो कॅमेरा देण्यात आला आहे.

या दोन्ही स्मार्टफोनमध्ये 13 मेगापिक्सेलचा ऑटोफोकस सेल्फी कॅमेरा मिळतो.

कनेक्टिव्हिटीसाठी ड्युअल सिम सपोर्ट, 5G, Wi-Fi 7, Bluetooth 6.0, NearLink E2.0, NFC, USB Type-C पोर्ट, ड्युअल-बँड GPS आणि A-GPS यांचा समावेश आहे. सुरक्षेसाठी या फोनमध्ये इन-डिस्प्ले फिंगरप्रिंट सेन्सर देण्यात आला आहे.

या दोन्ही फोनमध्ये 6,000mAh क्षमतेची बॅटरी देण्यात आली आहे.

Pura 90s Pro मध्ये 66W वायर्ड Huawei SuperCharge आणि 50W वायरलेस Huawei SuperCharge सपोर्ट मिळतो.

तर Pura 90s Pro Max मध्ये 100W वायर्ड Huawei SuperCharge आणि 80W वायरलेस Huawei SuperCharge सपोर्ट देण्यात आला आहे.

हे दोन्ही स्मार्टफोन धूळ आणि पाण्यापासून संरक्षणासाठी IP68 आणि IP69 रेटिंगसह येतात.

डायमेंशनच्या बाबतीत, Pura 90s Pro ची लांबी 157.8 मिमी, रुंदी 74.5 मिमी, जाडी 8.2 मिमी आणि वजन 213.5 ग्रॅम आहे.

तर Pura 90s Pro Max ची लांबी 164 मिमी, रुंदी 77.1 मिमी, जाडी 8.1 मिमी आणि वजन 230.5 ग्रॅम आहे.