सॅमसंगच्या नव्या Galaxy Foldables साठी भारतात प्री-रिझर्व्हेशनला सुरुवात; ₹९९९ मध्ये बुकिंग, खरेदीवर ₹२,७९९ पर्यंतचे लाभ

Samsung  ने आपल्या पुढील पिढीतील Galaxy Foldable स्मार्टफोन्सच्या जागतिक लाँचपूर्वी भारतातील ग्राहकांसाठी प्री-रिझर्व्हेशन सुरू केले आहे. इच्छुक ग्राहक केवळ ₹९९९ इतकी परतावा मिळणारी (Refundable) टोकन रक्कम भरून आगामी Galaxy Foldable स्मार्टफोन आगाऊ राखीव ठेवू शकतात. या प्री-रिझर्व्हेशनचा लाभ घेणाऱ्या ग्राहकांना डिव्हाइस खरेदीच्या वेळी ₹२,७९९ किमतीचे विशेष फायदे मिळणार आहेत.

ग्राहक Samsung.com, Samsung Exclusive Stores, Amazon.in, Flipkart.com तसेच देशभरातील प्रमुख रिटेल स्टोअर्समधून प्री-रिझर्व्हेशन करू शकतात.

Samsung ने आपल्या फोल्डेबल स्मार्टफोन्समध्ये सातत्याने सुधारणा करत त्यांना अधिक पातळ, हलके, मजबूत आणि अधिक इमर्सिव्ह बनवले आहे. कंपनीने अत्याधुनिक AI (Artificial Intelligence) क्षमतांचा समावेश करून नव्या फोल्डेबल डिझाइनची सांगड घातली असून, त्यातून प्रत्येक वापरकर्त्याला अधिक वैयक्तिक आणि परिस्थितीनुसार जुळवून घेणारा स्मार्ट अनुभव मिळेल, असा दावा करण्यात आला आहे. AI युगासाठी नवा मापदंड निर्माण करण्याच्या उद्देशाने ही पुढील पिढीतील Galaxy Foldables विकसित करण्यात आली आहेत.

Samsung चा बहुप्रतीक्षित Galaxy Unpacked कार्यक्रम २२ जुलै रोजी लंडन (युनायटेड किंग्डम) येथे आयोजित करण्यात येणार आहे. भारतीय वेळेनुसार सायंकाळी ६.३० वाजल्यापासून या कार्यक्रमाचे थेट प्रक्षेपण Samsung.com, Samsung Newsroom आणि Samsung च्या अधिकृत YouTube चॅनेलवर पाहता येणार आहे. या कार्यक्रमात सॅमसंग आपल्या पुढील पिढीतील Galaxy Foldable स्मार्टफोन्ससह नवीन AI-आधारित तंत्रज्ञानाचीही घोषणा करण्याची शक्यता आहे.

हे सुद्धा वाचा : 
https://marathi.gadgets360.com/mobiles/english-heading-samsung-galaxy-s26-gets-over-rs-37-000-discount-on-amazon-check-deal-offers-and-specs-news-11680268