रेंज आणि फास्ट चार्जिंगसह Hero VIDA VX2 Plus 4.4kWh लॉन्च; जाणून घ्या किंमत

मोठ्या दुचाकी उत्पादक कंपन्यांपैकी एक असलेल्या Hero MotoCorp ने VIDA VX2 Plus 4.4 kWh व्हेरिएंट इलेक्ट्रिक स्कूटर लॉन्च केला आहे. या इलेक्ट्रिक स्कूटरमध्ये ग्राहकांना अधिक रेंज मिळणार आहे. VIDA VX2 Plus 4.4 kWh व्हेरिएंटची किंमत सुमारे 1.43 लाख रुपये (एक्स-शोरूम) आहे. या इलेक्ट्रिक स्कूटरचा टॉप स्पीड 90 km/H आहे. VIDA VX2 Plus 4.4 kWh व्हेरिएंटसोबत 1 kW चा पोर्टेबल चार्जर मिळेल, ज्यामुळे त्याची बॅटरी सुमारे 3.30 तासांत 0 ते 80 टक्के चार्ज करता येईल.

एका मीडिया रिपोर्टनुसार, या इलेक्ट्रिक स्कूटरमध्ये 2.2 kWh क्षमतेचे दोन रिमूवेबल बॅटरी पॅक देण्यात आले आहेत, ज्यामुळे एकूण 4.4 kWh बॅटरी क्षमता मिळते. Hero MotoCorp ने सांगितले आहे की VIDA VX2 Plus 4.4 kWh ची फुल चार्जवर IDC प्रमाणित 187 किलोमीटर रेंज आहे. या इलेक्ट्रिक स्कूटरसोबत Hero MotoCorp 1 kW चा पोर्टेबल चार्जर देणार असून, त्याद्वारे बॅटरी सुमारे 3.30 तासांत 0 ते 80 टक्के चार्ज करता येईल. हा स्कूटर DC फास्ट चार्जिंगलाही सपोर्ट करतो, ज्यामुळे बॅटरी 65 मिनिटांत 0 ते 80 टक्के चार्ज करता येते. Hero MotoCorp च्या म्हणण्यानुसार, हा इलेक्ट्रिक स्कूटर दैनंदिन प्रवासाबरोबरच लांबच्या प्रवासासाठीही उपयुक्त ठरेल.

VIDA VX2 Plus 4.4 kWh व्हेरिएंटची इलेक्ट्रिक मोटर 6 kW ची पीक पॉवर आणि 26 Nm टॉर्क निर्माण करू शकते. या इलेक्ट्रिक स्कूटरचा टॉप स्पीड 90 km/H आहे. VIDA VX2 Plus 4.4 kWh मध्ये 4.3 इंच TFT डिस्प्ले देण्यात आला आहे, ज्यामध्ये स्मार्टफोन कनेक्टिव्हिटी, टर्न-बाय-टर्न नेव्हिगेशन आणि ओव्हर-द-एअर (OTA) सॉफ्टवेअर अपडेट्ससारखी फीचर्स आहेत. या इलेक्ट्रिक स्कूटरमध्ये Eco, Ride आणि Sport असे मोड्स देण्यात आले आहेत. याशिवाय ओव्हरटेक करताना अधिक वेगाने अॅक्सेलरेशन मिळावे यासाठी Boost फंक्शनही उपलब्ध आहे.

Hero MotoCorp च्या सब-ब्रँड VIDA ने सांगितले आहे की हा इलेक्ट्रिक स्कूटर खरेदी करण्यासाठी Battery-as-a-Service (BaaS) चा पर्यायही उपलब्ध असेल. VIDA च्या नेटवर्कमध्ये 6,000 हून अधिक फास्ट चार्जिंग स्टेशन आहेत. देशातील इलेक्ट्रिक दुचाकी बाजारात जून महिन्यात Hero MotoCorp ने 21,820 इलेक्ट्रिक स्कूटरची विक्री करत चौथा क्रमांक मिळवला आहे. मागील वर्षाच्या याच महिन्याच्या तुलनेत कंपनीच्या विक्रीत 175 टक्क्यांहून अधिक वाढ झाली आहे.