OPPO Enco Air 5 आले भारतात! 54 तास बॅटरी बॅकअप, AI फीचर्ससह फक्त 3,299

कंपनीने Oppo Enco Air 5 इयरबड्स भारतात लॉन्च केले आहेत. हे इयरबड्स 52dB Active Noise Cancellation (ANC) फीचरसह येतात. कंपनीच्या म्हणण्यानुसार, हे 54 तासांपर्यंतचा बॅटरी बॅकअप देऊ शकतात. यामध्ये 12mm डायनॅमिक ड्रायव्हर्स देण्यात आले आहेत. तसेच 10-बँड कस्टम इक्वलायझर आणि तीन स्टँडर्ड ऑडिओ प्रीसेट्सचा सपोर्ट मिळतो. Alive Audio नावाचे एक विशेष स्पॅशियल ऑडिओ फीचरही देण्यात आले आहे, जे फक्त ColorOS 12.0 किंवा त्यापुढील व्हर्जनवर चालणाऱ्या Oppo स्मार्टफोनसोबतच कार्य करते. प्रत्येक इयरबडचे वजन 4.3 ग्रॅम आहे. धूळ आणि पाण्यापासून संरक्षणासाठी यामध्ये IP55 रेटिंग देण्यात आली आहे. चला जाणून घेऊया याची किंमत आणि फीचर्स.

Oppo Enco Air 5 भारतातील किंमत, उपलब्धता

भारतात Oppo Enco Air 5 इयरबड्सची किंमत 3,200 रुपये ठेवण्यात आली आहे. कंपनीने हे Midnight Black आणि Lavender Purple या रंगांमध्ये सादर केले आहेत. हे इयरबड्स कंपनीच्या अधिकृत वेबसाइटवरून खरेदी करता येतील. तसेच Amazon आणि Flipkart सारख्या ई-कॉमर्स प्लॅटफॉर्मवरही उपलब्ध आहेत.

Oppo Enco Air 5 वैशिष्ट्ये

Oppo Enco Air 5 मध्ये 12mm डायनॅमिक ड्रायव्हर्स देण्यात आले आहेत. यामध्ये 10-बँड कस्टम EQ सेटिंग्स उपलब्ध आहेत. तसेच AAC आणि SBC कोडेक्सचा सपोर्टही मिळतो. हे इयरबड्स 52dB पर्यंतच्या Active Noise Cancellation (ANC) फीचरने सुसज्ज असून 5000Hz पर्यंतच्या फ्रिक्वेन्सी कव्हर करू शकतात. यामध्ये ट्रिपल मायक्रोफोन सेटअप देण्यात आला आहे.

Enco Air 5 इयरबड्समध्ये Bluetooth 6.1 कनेक्टिव्हिटी देण्यात आली आहे. हे 47ms लो-लेटन्सीला सपोर्ट करतात. बॅटरीबाबत बोलायचे झाल्यास, हे इयरबड्स 13 तासांपर्यंतचे प्लेबॅक देतात. तर चार्जिंग केससह 54 तासांपर्यंतचा बॅटरी बॅकअप मिळतो. यामध्ये फास्ट चार्जिंग फीचरही देण्यात आले आहे. केवळ 10 मिनिटांच्या चार्जिंगमध्ये 11 तासांपर्यंतचा वापर करता येतो. प्रत्येक इयरबडचे वजन 4.3 ग्रॅम आहे. धूळ आणि पाण्यापासून संरक्षणासाठी यामध्ये IP55 रेटिंग देण्यात आली आहे.