CBSE विद्यार्थ्यांनो लक्ष द्या! सेकंड बोर्ड निकाल तपासण्याची संपूर्ण प्रक्रिया

CBSE Class 10 च्या विद्यार्थ्यांचा सेकंड बोर्ड परीक्षेचा निकाल लवकरच जाहीर होऊ शकतो. बोर्डाने अद्याप निकालाची तारीख आणि वेळ याबाबत अधिकृत घोषणा केलेली नाही, मात्र यापूर्वी जारी करण्यात आलेल्या अधिसूचनेनुसार निकाल जून 2026 मध्ये जाहीर होणार आहेत. त्यामुळे CBSE Class 10 Second Board Exam 2026 मध्ये सहभागी झालेल्या विद्यार्थ्यांना आता निकालाची प्रतीक्षा आहे.

CBSE ने यावर्षी National Education Policy (NEP) 2020 च्या शिफारसीनुसार Class 10 विद्यार्थ्यांसाठी दोन बोर्ड परीक्षांची व्यवस्था लागू केली आहे. यामध्ये पहिली परीक्षा मुख्य बोर्ड परीक्षा असते, तर दुसरी परीक्षा आपल्या गुणांमध्ये सुधारणा करू इच्छिणाऱ्या विद्यार्थ्यांसाठी असते. बोर्डाच्या माहितीनुसार विद्यार्थी जास्तीत जास्त तीन विषयांमध्ये आपले गुण सुधारण्यासाठी सेकंड बोर्ड परीक्षा देऊ शकतात.

यावर्षी CBSE Class 10 Second Board Exam 15 मे 2026 पासून सुरू होऊन 21 मे 2026 पर्यंत पार पडली. परीक्षा एकाच शिफ्टमध्ये सकाळी 10:30 ते दुपारी 1:30 या वेळेत घेण्यात आली होती. परीक्षेची सुरुवात गणित विषयाने झाली होती, तर शेवटचा पेपर  सोशल सायंस होता.

यापूर्वी CBSE ने Class 10 Main Board Exam 2026 चा निकाल एप्रिलमध्ये जाहीर केला होता. त्या परीक्षेत एकूण उत्तीर्णतेची टक्केवारी 93.70 टक्के होती. मुलींची कामगिरी मुलांपेक्षा सरस ठरली होती. मुलींचा उत्तीर्णतेचा टक्का 94.99 टक्के नोंदवला गेला होता, तर मुलांचा उत्तीर्णतेचा टक्का 92.60 टक्के होता.

CBSE 10th Second Board Result 2026 ऑनलाइन कसा पाहावा?

निकाल जाहीर झाल्यानंतर विद्यार्थी खालील स्टेप्स फॉलो करून आपला निकाल पाहू शकतील:

• CBSE ची अधिकृत निकाल वेबसाइट cbse.nic.in वर जा.
• होमपेजवरील Result लिंकवर क्लिक करा.
• आपला रोल नंबर, स्कूल नंबर आणि अॅडमिट कार्ड आयडी टाका.
• Submit बटणावर क्लिक करा.
• स्क्रीनवर तुमचा निकाल दिसेल.

मार्कशीट डाउनलोड किंवा प्रिंट कशी करावी?

CBSE निकाल जाहीर झाल्यानंतर विद्यार्थी DigiLocker आणि UMANG App च्या माध्यमातूनही आपली डिजिटल मार्कशीट डाउनलोड करू शकतील.

• DigiLocker App किंवा वेबसाइट उघडा.
• आपल्या मोबाईल नंबर किंवा आधारच्या मदतीने लॉगिन करा.
• CBSE सेक्शनमध्ये जा.
• Class 10 Marksheet 2026 हा पर्याय निवडा.
• योग्य  माहिती भरा.
• मार्कशीट स्क्रीनवर दिसेल, जी PDF स्वरूपात डाउनलोड करता येईल.

विद्यार्थी CBSE ची अधिकृत वेबसाइट cbse.gov.in, results.cbse.nic.in, cbseresults.nic.in, DigiLocker आणि UMANG App च्या माध्यमातून आपला निकाल आणि मार्कशीट पाहू शकतील. बोर्डाकडून निकाल जाहीर करण्याच्या तारखेची घोषणा झाल्यानंतर उमेदवारांनी अधिकृत पोर्टलवर लक्ष ठेवण्याचा सल्ला देण्यात आला आहे.