Meta कडून Ray-Ban Meta Optics स्मार्ट चष्म्यांचे लाँच; प्रिस्क्रिप्शन वापरकर्त्यांसाठी AI फीचर्ससह नवीन पर्याय

Meta ने मंगळवारी आपल्या AI-सक्षम स्मार्ट ग्लासेसच्या श्रेणीचा विस्तार करत Ray-Ban Meta Optics Styles लॉन्च करण्याची घोषणा केली. हे स्मार्ट ग्लासेस प्रिस्क्रिप्शन वापरणाऱ्या ग्राहकांसाठी डिझाइन केलेले ‘ऑप्टिकल-फर्स्ट' स्टाइल्स आहेत. EssilorLuxottica सोबत विकसित केलेल्या या नवीन लाईनअपमुळे कंपन्यांमधील अनेक वर्षांच्या सहकार्याला पुढे चालना मिळाली आहे. यापूर्वी Ray-Ban Meta glasses, Oakley Meta Glasses आणि Meta Ray-Ban Display models सादर करण्यात आले होते.

Ray-Ban Meta Optics Styles Price, Availability
नवीन लाईनअपमध्ये Ray-Ban Meta Blayzer Optics (Gen 2) आणि Ray-Ban Meta Scriber Optics (Gen 2) यांचा समावेश आहे. यांची किंमत $499 (अंदाजे ₹41,500) ठेवण्यात आली आहे. हे ग्लासेस अमेरिकेत 31 मार्चपासून प्री-ऑर्डरसाठी उपलब्ध असतील आणि 14 एप्रिलपासून विक्रीस सुरुवात होईल. हे Ray-Ban स्टोअर्स, Ray-Ban.com तसेच LensCrafters आणि Sunglass Hut सारख्या EssilorLuxottica च्या निवडक रिटेल आउटलेट्समध्ये उपलब्ध असतील.

Meta च्या माहितीनुसार, हे स्मार्ट ग्लासेस यूके, कॅनडा, ऑस्ट्रेलिया, युरोप आणि यूएईसह अनेक जागतिक बाजारपेठांमध्ये विक्रीसाठी उपलब्ध होतील. ब्राझील, मेक्सिको आणि भारतासारख्या देशांमध्येही यावर्षीच्या उत्तरार्धात विस्तार होण्याची अपेक्षा आहे.

Ray-Ban Meta Optics Styles Features, Specifications
नवीन Ray-Ban Meta Optics Styles आरामदायी आणि कस्टमायझेशन लक्षात घेऊन डिझाइन करण्यात आले आहेत. कंपनीच्या ब्लॉग पोस्टनुसार, फ्रेममध्ये स्लिम डिझाइन, बदलता येणारे नोज पॅड्स, अतिरिक्त 10-डिग्री रोटेशनसह ओव्हरएक्स्टेंशन हिंजेस आणि अॅडजस्टेबल टेंपल टिप्स दिल्या आहेत, ज्यामुळे वापरकर्त्याला अधिक वैयक्तिक फिट मिळतो.

Blayzer Optics आणि Scriber Optics या दोन्ही फ्रेम्समध्ये सिंगल-व्हिजन, प्रोग्रेसिव्ह आणि Transitions लेन्सेसचा सपोर्ट आहे. यामुळे वापरकर्ते इनडोअर आणि आउटडोअर वातावरणात सहजपणे स्विच करू शकतात.

परफॉर्मन्सच्या दृष्टीने, या स्मार्ट ग्लासेसमध्ये आधीच्या मॉडेल्समधील मुख्य फीचर्स कायम ठेवण्यात आले आहेत. यात 12-मेगापिक्सेल कॅमेरा आहे, जो फोटो काढू शकतो आणि 3K रिझोल्यूशनमध्ये व्हिडिओ रेकॉर्ड करू शकतो. याशिवाय, सहा मायक्रोफोन सिस्टममुळे उत्तम ऑडिओ रेकॉर्डिंग आणि स्पष्ट कॉल्स मिळतात. वापरकर्ते Spotify आणि Amazon Music सारख्या प्लॅटफॉर्मवरून संगीत आणि पॉडकास्ट ऐकू शकतात, कॉल करू शकतात, मेसेज पाठवू शकतात आणि व्हॉईस कमांडद्वारे Meta AI शी संवाद साधू शकतात.

नवीन अॅक्शन बटणामुळे Meta AI ला पटकन ऍक्सेस करता येतो आणि कंटेंट कॅप्चर किंवा शॉर्टकट्स सहज ट्रिगर करता येतात. हा AI असिस्टंट वापरकर्त्याच्या पाहण्याच्या संदर्भानुसार प्रश्न समजू शकतो, उत्तरे देऊ शकतो आणि विविध कामांमध्ये मदत करू शकतो.

याशिवाय, Ray-Ban Meta (Gen 2) साठी Shiny Transparent Grey (Wayfarer), Shiny Transparent Peach (Skyler) आणि Matte Transparent Peach (Headliner) अशा नवीन सीझनल कलर ऑप्शन्स सादर करण्यात आले आहेत. तसेच Oakley Meta मॉडेल्ससाठी नवीन कलर आणि लेन्स कॉम्बिनेशन्स उपलब्ध करण्यात येत आहेत, ज्यात adaptive lighting साठी Prizm Transitions लेन्सेसचा सपोर्ट आहे.

New Meta AI Features
Meta आपल्या स्मार्ट ग्लासेसमध्ये AI क्षमतांचा विस्तार करण्यासाठी नवीन सॉफ्टवेअर अपडेट्स आणत आहे. यामध्ये न्यूट्रिशन ट्रॅकिंग फीचरचा समावेश आहे, ज्यामुळे वापरकर्ते व्हॉईस कमांड किंवा फोटोद्वारे आपले जेवण लॉग करू शकतात. Meta AI या माहितीचे विश्लेषण करून वैयक्तिक सल्ले देऊ शकते.

तसेच hands-free WhatsApp summaries फीचर देखील रोलआउट होत आहे. यामुळे वापरकर्ते Meta AI कडून चॅट्सचे संक्षिप्त सारांश मिळवू शकतात. कंपनीनुसार, ही प्रक्रिया डिव्हाइसवरच होते आणि end-to-end encryption द्वारे सुरक्षित असते.

इतर आगामी फीचर्समध्ये Neural Handwriting (फिंगर जेश्चरद्वारे मेसेज लिहिणे), डिस्प्ले रेकॉर्डिंग (इन-लेन्स व्हिज्युअल्स, रिअल-वर्ल्ड फुटेज आणि ऑडिओ एकत्र करून व्हिडिओ तयार करणे) आणि US शहरांमध्ये pedestrian navigation (turn-by-turn दिशानिर्देश) यांचा समावेश आहे.

वरील सर्व फीचर्स पुढील काही महिन्यांत विविध Ray-Ban Meta स्मार्ट ग्लासेसमध्ये उपलब्ध होतील.