ब्लू ओरिजिनच्या ‘न्यू ग्लेन’ रॉकेटमध्ये बिघाड; उपग्रह चुकीच्या कक्षेत, FAA चौकशी सुरू

गेल्या आठवड्याच्या शेवटी Jeff Bezos यांच्या अंतराळ कंपनी Blue Origin ने एक मोठी कामगिरी साध्य केली, जेव्हा त्यांनी पहिल्यांदाच रॉकेट बूस्टरचा यशस्वी री-यूज केला. मात्र, या वेळी लॉन्चमध्ये गडबड झाली असून सॅटेलाइट योग्य कक्षेत (ऑर्बिट) पोहोचू शकला नाही. रिपोर्ट्सनुसार, लॉन्चनंतर रॉकेटच्या अपर स्टेजने अपेक्षित उंचीपर्यंत पुरेसा थ्रस्ट निर्माण केला नाही, त्यामुळे मिशन अपयशी ठरले. या घटनेनंतर कंपनीने आपल्या न्यू ग्लेन रॉकेटच्या सर्व लॉन्चेस तात्पुरते थांबवले असून तपास सुरू करण्यात आला आहे.

हा लॉन्च रविवारी Cape Canaveral Space Force Station येथून करण्यात आला होता. सुरुवातीचा टप्पा म्हणजे फर्स्ट-स्टेज बूस्टरने योग्य प्रकारे काम केले आणि समुद्रातील बार्जवर यशस्वीरीत्या लँडिंगही केले. मात्र त्यानंतर अपर स्टेजमध्ये बिघाड झाला, ज्यामुळे सॅटेलाइटला योग्य कक्षेत पाठवता आले नाही.

कंपनीचे CEO Dave Limp यांच्या मते (NDTV च्या माहितीनुसार), सुरुवातीच्या डेटावरून असे दिसून आले की अपर स्टेजमधील एका इंजिनने पुरेसा थ्रस्ट दिला नाही. याच कारणामुळे सॅटेलाइट त्याच्या निर्धारित कक्षेत पोहोचू शकला नाही आणि मिशन यशस्वी मानले गेले नाही.

हा सॅटेलाइट AST SpaceMobile च्या नेटवर्कचा भाग बनणार होता, ज्याचा उद्देश थेट सॅटेलाइटद्वारे स्मार्टफोनला कनेक्टिव्हिटी प्रदान करणे हा आहे. मात्र, आता सॅटेलाइट आणि रॉकेटचा अपर स्टेज दोन्ही पृथ्वीच्या वातावरणात पुन्हा प्रवेश करून नष्ट झाले आहेत.

हा न्यू ग्लेन रॉकेटचा तिसरा उड्डाण (फ्लाइट) होता, जो मोठ्या पेलोड्सना कक्षेत पाठवण्यासाठी विकसित केला जात आहे. विशेष म्हणजे, NASA देखील आपल्या Artemis mission अंतर्गत चंद्रावर लँडर पाठवण्यासाठी याच रॉकेटचा वापर करण्याची योजना आखत आहे.

सुमारे 98 मीटर उंची असलेल्या या रॉकेटचे नाव John Glenn यांच्या नावावर ठेवण्यात आले आहे. सध्या कंपनी आणि Federal Aviation Administration मिळून या अपयशाची चौकशी करत आहेत. तपास पूर्ण झाल्यानंतरच पुढील लॉन्चबाबत निर्णय घेतला जाणार आहे.